كذبوني وبنتي وصدقو ولدهم آآه يالقهر

السلام عليكم ورحمة الله وبركاته

الدنيا مسوده فعيني ومابقالي من بعد رب العالمين غيركم ألجأ له ضاقت بي الدنيا بما رحبت أبي أفضفض من القهر إلي فيني وماعندي أحد أبي أفضفض أرجوكم اسمعوني

بصراحه أول مانزلت مشكلت بنتي كنت أبغا مساعده منكم تعطوني أسامي أي أحد ثقه وآخذها عنده ويقرا عليها من سذاجتي كان كل ظني إن عمها حاسدها لكن الحمدلله بفضل الله وبعده نصايحكم فتحتو عيوني لمشكله أكبر فبيتي صايره لكن خوفآ من المشاكل عميت عنها وهي عم البنات؟؟!!

من غباي كنت فاكره الموضوع حسد وأفكر وأشك وأحاول أعالج بنتي منه متجاهله موضوع التحرش علشان تربينا على إن العم والخال والأخ والجد محارم مامنهم خوف أو مضره علشان كذا أمنت في بناتي معاه
لكن اتضح لي العكس ماعاد فيه شي اسمه محارم وهذا درس لكل أم إنها لاتأمن في ولدها وألا بنتها معا أحد غيرها
وسبب كلامي هذا إني بعد مانصحوني بعض الأخوات فالمنتدا مشكورات أخذت البنت على الطبيبه وكلمتها عن شكوكي فحصت البنت وماطلع فيها شي ولله الحمد هنا أنا تطمنت وقلت خلاص أجل الموضوع مجرد شك وقلت حسد أكيد حسد بس نبهتني على إنه فيه احتمال يكون تحرش فيها باللمس علشان مافيها شي البنت بس مرعوبه من عمها رجع الشك لصدري وقلت بلاهبل واستعباط ولازم أتأكد بنفسي وسويت بنصيحة بعض الأخوات أخذت للبنت وأخواتها ألعاب جدد وفي البيت جلست ألاعبها إلين لهيتها وجلست أسألها وهي تلعب -ويجزاها خير الأخت إلي علمتني الطريقه- في البدايه ماكانت ترد علي وتلعب ومنزله راسها وباين عليها الخوف وطمنتها وكلمتها بأسلوب أنا ماسألتها وقلتلها فلان إيش سوالك بس كلمتها عن المناطق وإنه مايصير أحد يشوفها غير ماما هي جلست تقول ولا فلانه قصدها أختها ولابابا وأنا أقول ولا أحد بس ماما قالت وإذا أحد شافها قلتلها قولي لماما وماما تقوله عيب قالت ماتحرقيني بالنار وتضربيني "مخوفها " قلتلها لا قالت طيب ناصر برضه لا .. هنا حسيت قلبي بيوقف وأنا أقولها ولا ناصر وسألتها ناصر شافها سوت نفسها ماتسمع وجلست تلعب وماردت لهيتها مره ثانيه وطمنتها ولما ارتاحت تكلمت جلست البنت من نفسها تقول صار كذا وفلان يسوي كذا تأشر على مناطقها وأنا سويتله كذا وبأنه يخليها والله مو قادره أكمل هالنذل كان بيضيع البنت طلع يتحرش فيها بفمه في منطقه وبيده في الثانيه علشان ماينكشف ويقولها لاتعلمين أحد ويجبرها تسوي له شغلات غلط وما أقدر أشرح أكثر بس بكتني وهي تتكلم لما قالت كنها تستأذني وتستنجد
.. ماما ما أحب ناصر طيب .. قلتلها طيب قصدها تسألني عادي إنها ماتحبه أو لا ؟؟؟!
وكملت تلعب بالألعاب ولا كأنه صار شي بكتني ووجعت قلبي طفله ياناس طفله ولاتعرف وش صارلها طفله كيف سمحتله نفسه يلمسها ومن غباي وحسن نيتي أقول حاسدها لاوبعد أقول ما أبي أظلمه آآآه يالقهر والله والله والله أكتب ومو قادره أمسك نفسي من البكا والدموع والله ولوتشوفون حالتي بترثون لها لانوم ولا راحه من يومين

المهم سألت أختها وين تروحون غير الألعاب والحدايق قالت بس هذا سألتها معا مين غير فلان سكتت رجعت وسألتها قالت اسم بنت وجلست أضحك وألعب معاهم إلين قالت إنه شموس تاخذ الكبيره تلاعبها وهو يلاعب الصغيره أو يروح يجيب أكل معاها "يعني ينفرد فيها بعيد عن أختها ويترك الثانيه في الألعاب معا صديقته الغريبه" شفتو الحقاره لوين وصلت

اتصلت على أبوها وأنا أبكي وأصارخ وقلتله ياتلحقنا ياما تلحق وجا ركض وعلمته بالسالفه في البدايه حاول يهديني وماصدق وقال أخوي وعمها ومستحيل ويمكن أوهام ومن الكلام الفاضي هذا بس بعد ماسأل البنت بنفسه وشرحتله هي أشياء مايفهمها إلا البالغ اقتنع حضرت جنابه وانقهر وثار خاصه والموضوع هذا صاير للبنت أكثر من مره وزوجي هد البيت على راس أخوه وقامت الدنيا ولاقعدت صراخ وضرب وانطرد الجبان من بيتي لكن صدمني زوج الغفله يوم قال مانقدر نشتكي عليه علشان مافيه دليل ضده والبنت مافيها شي سليمه اللهم نفسيتها يعني ماله أساس التحرش فالشرطه هذا كلامه سبع البرمبه !!!!!

لأول مره في حياتي من أربع سنين زواج رفعت صوتي عليه بطريقه وجلست أصارخ مثل المجنونه وغلطت عليه وعلى أهله وكان باقي شوي وأتشابك معاه ومن عصبيتي تركتله البيت بعد كلامه الفاضي هذا وأخذت بناتي وخدامتي وماتجرأ ينطق بكلمه وش بيقول يعني وهو كان يقول إنه أهله يخافون على البنات من اخواني علشان سمعتهم وأخلاقهم وسلوكهم فنظر أهله دون وشككوني فيهم وخلوني أمنع بناتي منهم وأصيرلهم سباي كلما زرنا أهلي وخلوني أمن في عيالهم المحترمين إلي مايفوتون فرض وأنا علشان عميانه بحبه وأموت فرضا أهله علشان أكسب رضاه صدقت وأمنت وشفتو النتيجه بنتي كانت بتضيع مني وأنا الغلطانه ..

حمواتي الله يسامحهم مو مصدقين ويقولون ولدنا محترم ومايسويها وأكيد هذا واحد من اخوانك الدشير وترمين بلاه على ولدنا ويش دليلك إنه مسويها
أقولهم كلام البنت وقبله تصرفاتها ورعبها كلما شافته يقلون البنت صغيره وعادي تحفظينها أي كلام وتردده وتخوفينها من عمها وتخاف طالما البنت سليمه ومافيها عيب أوشي يعني انتي مسويه الفلم هذا علشان ما تبغين ولدنا في بيتنا "قصدهم بيت زوجي" !!
وحده من أخوات زوجي واقفه في صفي علشان هي عندها بنات وانقهرت من قهري على بناتي ماتحس بحرقت جوفي إلا الي عندها عيال وبالخصوص بنات

أما عم البنات الله يبتليه بمصيبه مايطلع منها إلا للقبر طلع كلام علي وأخلاقي وإني سويت الموضوع هذا علشان هو كاشف حركاتي ومهددني قبل إنه بيعلم زوجي بسوالفي ويومني خفت يفضحني قمت تبليت عليه وأنا مابي شهادت أحد فأخلاقي علشان ربي وحده شاهد وعارف إني ملتزمه وصاينه بيتي وعلى دين وعباده وأخواته قالو هذا كله نفاق ومدري إيش حسبي الله عليهم

زوجي كعادته مصدقني ومصدق بنته وواقف في صفي بس مشكلته إنه ما أخذ موقف غير إنه تهاوش معا أهله ضرب اخوه وطرده من بيتنا صحيح دافع عني وعن بنته لكن لومي له إنه قال الشكوا عليه مارح تفيد بشي وأساسآ مارح ياخذون فيها بالشرطه علشان مافيه دليل بالتحرش بس كلام البنت ؟!!

أنا بصراحه بناتي عندي قبل زوجي وقبل حبي له أو حبه لي أو أي شي ثاني علشان كذا تركت البيت له ولأهله يشبعون فيه وذحينه أنا في بيت أهلي ومافكر أرجع له رغم حبي الكبير له وحبه لي ولبناته كرهته كرهته كرهته خلاص وكلما شفته تذكرت أخوه وحسيت بغثيان وهو زوجي ماقطع يتصل كثييير ويرسل مسجات ولارد عليه ويتصل بيت أهلي ويكلم اخواني يقولونله طالبه الطلاق وأنا جد أفكر بصراحه في الطلاق خلاص علشان كيف أعيش معاه بعد اليوم وهو ما أخذ بحق البنت فحياتي تساءلت وش كان رح يكون مصير بناتي إذا صار الموقف هذا وأنا ميته تحت التراب الضياع وسكوت الأب عن أخذ حقهم ؟؟؟

أهلي ماصدقو وصارت مشكله واشتغلو زن على إذني إيه هذول إلي حابتهم ومبديتهم علينا واشتغلو اتصالات وسب فأهل زوجي وبدل مايواسوني طلعو قديمهم وجديدهم والبيتين نسو السالفه الأساسيه البنت والي صاير لها واشتغلو في شتم بعض
أخواتي المتزوجات للأمانه اهتمو أما الوالده والشباب من أمس شغالين زن ومعاير واتصالات فأهل زوجي وسب وندمت إني تكلمت ومن أمس واحنا على ذا الحال والمشكله الأساسيه ماوصلنا لحل لها كلهم يقولون الحمدلله ماصار شي كبير والبنت صغيره وبكره تكبر وتنسا ولا أحد يذكرها وأنا متأكده شي مثل هذا مارح تنساه البنت لو إيش
وما استفدت أنا ذحينه غير الحسره والندامه

صدقوني ماعاد فيه ثقه فالدنيا عيالكم لاتأمنون فأحد غيركم عليهم وإذا طلعو لمكان رجولكم فرجولهم علشان مايصيرلكم زيي وأنا عارفه إنه 70% من الغلط على راسي بس والله والله والله عمري ماشكيت فيه من الناحيه هذي؟؟
حسبي الله عليه والله لاربحه دنيا وآخره وثقت فيه وأمنته بناتي وعديته أخوي الصغير وقربته وبعدت اخواني والحقير نايم ماكل شارب عندنا في بيتنا تحت عيوننا وآخرتها يجازينا بإساءه وفي مين بنات اخوه ؟؟؟؟؟

كرهت زوجي وكرهت نفسي وكرهت بناتي بعد الموضوع هذا وأحسني عمري مارح أسامح أو أنسا إلي صار علشان ولا أحد أخذ بحق البنت وهو عادي بكره احتمال يعيدها وأهله يقولون لا ولدنا محترم ولايسويها !!!!

والله ماضريت أحد بشي ودومي ناصحه لأهلي وللناس ليش صارلي كذا وش من ذنب جنيته مادري؟؟؟؟

هذي آخرت خلفت البنات إلي كنا طايرين فيها .. تقولون محسودين !!!!!

ياااااا ويلي قص الله لساااااانه ع هالتصرفاااااات والله انه مب رياااااااااااال والله كنت حاسه انه السالفه فيها ان

اختي الدكتوره فوزيه تطرقت لنفس الموضوع في حلقه امس …حاولي تشوفين الاعاده..
قالت هالاشكال لازم يتم التبليغ عنهم..لانه خطر عالمجتمع و علا باقي الاطفال..

الله يعينج و ينصرج و يبعد عنج المشاكل..

لا حول ولا قوة إلا بالله

حسبي الله ونعم الوكيل فييييييييه

الله يأجرك في مصيبتك ويخلف لك خيراً منها . .

صدق كلامك مؤثـر ويخلينا نفتح عيونا على الدنيا وحوالينا أكثر واكثر

وياما سمعنا قصص تحرش الابهات في بناتهم .. فما نستغرب من الأعمام

اسأل الله العظيم ان السلامة

والله قلبي عليك اختي الحبيبة . .

وانا اقول لو تستخيرين وتتصلين بـ كذا شخص من المشايخ والمتخصصين
في المشاكل الأسريه والدكاتره النفسيه وتعرضين لهم حالتك

لان مو من حق اي زوجه تحرم بناتها من ابوهم
وانتِ ما تبين لـ بناتك المضره صح ؟! او انهن يعيشين يتيمات وابوهن عايش

ومثل ما قلتِ . . الدينا مالها أمان ويمكن بعد عينك بعد عمرٍ طويل
ان تنقلب الأمور سلبيه على بناتك . .

ولا تزر وازره وزرة أخرى ..

والله اني ما الومك على اي فعل تسوينه او اي قرار تتخذينه

بس احيانا عواطفنا تغلب على تفكيرنا فينقلب الأمر سلباً علينا

حاولي تتقربين من ربك بالدعاء والقيام والاستغفار
وفكري 20 سنه قدام . .

الله يفرج عليك همك .. وما على الله عسير ..

لكل مشكله حل باذن الله

والله جد عورتِ قلبي :"*_*":

اللة يعينج و حاولي تثقفين نفسج و تقرين مقالات كيف تقدرين تعالجين البنت نفسيا في وايد مقالات في النت بتحصلينهم بخصوص هذا الموضوع و شي كتب يمكن تساعدج و كلمي حد من الدكاترة واللة ياخذ حق بنتج منة انشاللة

الله يعينج ياختي ع مصبيتج

الله ينتقم منه والله انه ما فيه خيره حرام ينقال عليه ريااااااااااال

نصيحة الغالية استخيري ربج بسالفة الطلاق لا تسرعين

ربي يعينج ع بالواج