خواتي أنا ارتبطت بشخص واعتبرته دنيتي كلها وهو يبادلني نفس الشعور والحمد لله 00 وكاسبه رضاه وهذي نعمه من رب العالمين00 لكن المشكله متعلقه في أهل زوجي 000
بكل بساطه أهله ما يستلطفوني مع اني مش ثقيلة دم للدرجه اللي تتصورونها بالعكس طبعي مزوحيه وراعية مقالب ونكت والكل يشهد لي بهذا الشي بس لأني ما أبين لهم هذا الطبع يحسون اني متثاقله عليهم أو شايفه روحي شويه00
حز في خاطري اني ما سمعت من عمتي ولا من حمياتي كلمة مبروك لما حملت هذي المره 00 وقلت مش مشكله يمكن لأني سبق وحملت فما له داعي لأنهم يكررون الكلمه لي في كل مره أحمل فيها لكن عمتي معايه في نفس البيت وأشوفها يومياً ما فكرت مره من المرات تسألني عن البيبي ولا حتى تقول لي النصايح اللي يوجهونها العمات حق حريم عيالهم مع اني أحبها وربي شاهد وأحاول بكل جهدي اني أرضيها عشان مكانتها من مكانة الوالده الله يحفظهم ومش مقصره معاها في شي حتى اني دايماً أذكرهم بأي لقمه أطبخها واذا رحت السوق مرات أشتهي لها خاتم أو ساعة أو جلابية 00 وبعد أقول مهما كان هذيل أهله 00
خبروني بنات كيف أتصرف معاهم 00 لما حاولت أمنع حميتي من انها تسلك الطريج الغلط مع بنات السوء حاربتني وكرهتني وحقدت عليه 00
لما خفف زوجي زياراته حق اخوانه وخواته بحكم انه صار متزوج وصار مسئول من اسره قالوا اخونا الحرمه هي اللي متحكمه فيه ومانعتنه من زيارتنا00
من اتزوجت وخذت هذا الريال اللي كنت أتمناه والكل ينظر لي بنظرة الحسد والغيره 00 حتى من أقرب الناس لي00
اذا صار وانعزمنا في بيت حد من اخوانه يقعدن بنات العايله برواحهن ويسولفن ويضحكن ولا كأني موجوده مع اني أحاول أندمج معاهن بس ما أقدر صعبه تدخلين وسط مجموعه كارهه وجودج من أساسه00 حتى اني صرت أتحجج بأي شي عشان ما أسير أي عزومه من طرف أهله00
يقولون الوحده لما تتزوج ما ترتبط ب شخص واحد وبس ترتبط بعايله كامله
وأنا أحس اني ارتبطت بهذا الشخص لكن ان شاءالله يغنيني عنهم كلهم00
يمكن تقولون عني اني أبالغ شوي بس أنا بقول لكم جزء بسيط من السوالف اللي يقولونها حق ريلي وبوجودي ومتى؟؟؟؟ في اول ثلاث شهور من زواجنا
مثلاً مره استلم ريلي الجمعيه وكان المبلغ يعني ضخم ومحترم وكانت اخته موجوه فقالت له وهي تضحك: ليش ما تروح تتزوج فيها واللي بيزيد من شهر العسل خذ فيه حق حرمتك اللي هي (( أنا )) هديه عشان تراضيها،،:::
في ذمتكم هذا كلام تقوله وحده عاقل حق اخوها وبوجود زوجته وفي بداية مشوارهم مع بعض :::""؟؟؟؟ بلعت موس وسكتت بس مشاعري انجرحت وفوق هذا كنت حامل وأنا معروف عني اني ما أرد بس أخلي القهر بقلبي واللي مستغربه منه انها متزوجه وأكبر عني وعيالها في المدارس ويطلع منها هذا الكلام يعني المفروض تكون أثقل عن جي00 وكذا مره تقول له كلام ما ينبلع يعني لو وحده غيري ردت عليها ووقفتها عند حدها ـــــــــــــ الله المستعان من تزوجنا وهي تحاول تقهرني وتبغي تدخل فكرة الزواج الثاني في راس اخوها بس الحمد لله انا عارفه معزتي عند بو عيالي واللي يريحني أكثر ان هو نفسه ما يسويلها سالفه ودايماً يقول لي انها تقول هذا الكلام لنها مش مستقره مع زوجها
أنا ذكرت بعض الجوانب ومش حابه اني أزيد لأني لو تكلمت أكثر بنفجر وهذا حالي معاهم من أكثر من ثلاث سنين بس ماقول غير الله يهديهم ان شاء الله
والله يهني كل متزوجه مع زوجها وأهل زوجها ,,,,,,
و خليهم اخر اهتمامج.. طول ما انج مأدية الواجب و محترمة الكل خلاص الي مب عايبنه يدق راسه في الطوفه
عن اخته مب المفروض تسكتين عنها يوم تقول عن سالفه الجمعيه كان المفروض تردين اقل شي قولي لها وعقبال الجمعيه اليايه لزوجج عشان نصير 2 متزوجين علينا ماكون بروحي هالاشكال ما ينسكت عنهم دوم صح انه الحقران يقطع المصران بس مرات يوم موضوع حساس مثل هذا ردي وانتي تضحكين وبكل هدوء عشان تعرف انج يوم تسكتين عنها تسكتين بكيفج مب ضعف منج وانج ما تهتمين لرمستها
وان شاءالله تفرج وتطلعين من عندهم وهالامور عاديه تراها