كريم كراميل سهل وخفيف بالفرن من ايدي

السلام عليكم حبيباتي
وعدتكم انزل طريقه الكريم كراميل بالفرن. وايد سهله وطعمها جنان والكل بحبها وزينه حق الاطفال وحق بعد الغدا وأحلى شي انها طازجة من البيت مب كرتون

عاد اسمحولي التصوير مب شي من الايباد.
وكنت أبا اخط الصور روعه بس ريلي الله يهدأه سيده قص منها وكل هههههههه.

المهم الصور اول شي

^{مقادير الكراميل :}

1. كوب سكر محمر فالنار انتبهوا لا تحرقون السكر وايد علشان ما يطلع مر

بعد ما حرقنا السكر بسرعه نحطه في قالب الكيك انا سويت زجاج
ونحطه على صوب لين يبرد.

^{مقادير الكريم :}

1. ثلاث أرباع كوب سكر
2. ثلاث حبات بيض كبير
3. ملعقه كبيره فانيلا باودر انا سويت
4. ثلاث أرباع حليب نيدو
5. اثنين كوب حليب فرش

^{ألطريقه :}

1/ وخفق البيض مع الفانيلا
2/ يضاف السكر ويتم خلطه مع البيض والفانيلا حتى يذوب السكر
3/ يضاف حليب نيدو مع الخلط المستمر
4/ وأخيرا يضاف الكوبيين الحليب الطازج مع الخلط جيدا

بعد ما خلطنا المكونات عدل
نتأكد انه في قالب الكيك السكر بارد
اذا كان بارد
نكسب خليط الكريم عليه وندخله الفرن بدرجه 180. فوق وتحت

نخليه لين يحمر شوي من فوق. ونتاكد بإدخال شوكه او سكين في الوسط للتأكد انه السكين او الشوكة تطلع نظيفه.

نحطه بالثلاجة يبرد عدل.
ومن يكون بارد نقلبه في صحن التقديم وعاد قصوا عليه فراؤله او تزيونه على راحتكم. وانا ما مدى لي ارتبه الريل والعيال مستعيلين هههههههه

ونقدمه بارد

وبالعافيه عليكم. وأي استفسار انا حاضر

والسموحه على التصوير.

ماشاء الله …. شكله لذيذ….. بالعافيه عليهم وعلينا… تسلم ايدج

الله يعافيج ويسلمج حياتي
تسلمين على المرور الغاوي

ماشاءالله علييييج فناانه

تسلمين حبيبتي ولا هنتي على المرور الذوق

يسلمو حبيبتي على المرور الذوق