حبيت اعرف عن هالكليه شو تخصصاتهم (الى سمعته علوم ورياضيات وانجليزى) ابي اعرف شو حوافزهم كيف الدراسه والوقت من متى لين متى الى تدرس هناك او تعرف حد فيها تفيدني بليز..
شحالج ؟عساج طيبه؟؟
كلية الإمارات للتطوير التربوي هي أول كلية تربيه في بوظبي
يالغاليه هالكليه ان مسجله فيها وانقبلت فيها وهالاسبوع هو الاسبوع التعريفي فيها. والدوام الرسمي يوم الاحد الياي
هالكليه تقدم شهادة بكالوريوس في 4 سنوات و تخصصاتها ( علوم ورياضيات وانجليزي ) بس في المستقبل يمكن يطرحون تخصصات يديده مثل ( التربيه الاسلاميه واللغه العربيه ….)
في السنه الاولى (فاونديشن ) بتدرسيين 3 مواد ( علوم _رياضيات _ وانجلييش )
في السنه الثانيه تختارين واحد من هـ 3 مواد وتتخصيصيين فيه (الكورس الاول نظري
والكوورس الثاني عملي يعني نتزلين مداارس ودرسين ))
وفي السنه الثالثه والرابعه (الكورس الاول نظري
والكوورس الثاني عملي يعني نتزلين مداارس.)
بيوفرون لكل طالب وطالبه لاب توب مميزاته مال 15 الف كذيه يقوولون . والجامعه موفره سكن للي خارج بوظبي وموفره موصلالات بعد .وفي رواتب تقدم للطلبه في خلالال هالاربع سنوات وهي السنه الاولى 1000درهم والسنه الثانيه 2024درهم اما السنه الثالثه والرابعه 3000درهم كل سنه….
ه
التدريس يشمل من الرووضه الي صف الخامس الابتدائي فقط
وعقب التخرج انشالله لازم تنفذين عقد الاحتكار انج تدرسين مده 3 سنين متواصله دون انقطاع وانتي الي تختارين المدرسه الي قريبه عــ بيتج . عقب 3 سنين من التخرج انتي حره جانج تبين تكمليين او تسويين شي ثاني ……
هيه تذكرت شي بعد ترى الكليه بعد بناينها مااخلص بيخلص بعد سنه ونص تقريباا بس نحن اللحين في مكان مؤقت فيه
سكن وكلالاسات طبعااا … ^^ اتمنى اني اكوون فدتج يالغاليه
وإذا عندج اي استفسار قوليلي ترااني تحت امررج يالغاليه
شاااااااااااااووو
وسمعت ان الاساتذة الي فيها ما يبون يدرسون اي بنت منقبة
ويوظفون في المكان الي يبونه
اتصل ما احد يرد ع الفون؟؟
يزاكم الله خير
بعرض لكن هنيه اجابات لتساؤلاتكم،، اتمنى تكون واضحه،،
التسجيل::
حاليا هم عندهم اكتفاء،، لكن يستقبلون طلبات،، وتكون في قائمة الانتظار،،
النسبة المطلوبة::
70% وفوووق،، والسيبا 150 كحد ادنى،، او تقدم شهادة توفل او ايلتس،،
الدفعات الجديمة::
مقبولة بشرط تكون عندها شهادة توفل او ايلتس
ويكون عمر الشهاده اقل عن سنه،، او تمتحن سيبا وياهم،،
بما انهم باشرو الدراسة،، ماظن يسوون امتحانات سيبا
الشهادة ::
بكالوريوس تربية مب دبلوم عالي،،
ومدة الدراس خمس سنوات اولها تاسيسي ،،
التوظيف::
في اقرب مدرسة لسكن الخريجه،،
النقاب::
ممنوع للأسف وقت الدراسة،، لاسباب لا مبرر لها،،
للاتصال::
026964341
انا اشوف الحضور الشخصي افضل،، لانهم نادر ما يردون ع التيلفونات،،
رايي الشخصي::
قدمي اوراقج،، حتى لو كانت في قائمة الانتظار،، وراجعيهم بين فترة وفترة،،
لانه فيه بنات واااااايد مسجلات ومب متاكدات اذا بيتمن في الكلية او بيظهرن منها،،
واذا انتي خريجة هالسنه،، وكان ودج تدرسين بهالكليه وفاتتج فرصة التسجيل،،
ادرسي في الكلية او الجامعه اللي انتي فيها بس اول سنة (الفاونديشن)،، وردي قدمي السنة اليايه
بيعادلون لج التاسيسي،، وبتدخلين التخصص مع الدفعه الاولى مب اليديده،،
ربي يوفجكن يميع خواتي وايّسر اموركن،،
لا هنتو،،
دمتم بود،،
تحياتي،،ختكن
ورد جــــــوري
المشاركة الأصلية كتبت بواسطة الخطيرة 
وسمعت ان الاساتذة الي فيها ما يبون يدرسون اي بنت منقبة
ويوظفون في المكان الي يبونه
هلالا فديييتج
فديييييتج احب اعلق انه الكليه التربيه فيها بكالوريوس تربيه
وانا اللحين ادرس فيهااا .