كل وحده اتقولي كـــــم نزلت بعد الولاده .لاني خايفه وااايد من وزني الزايد

في حملي الاول قفزت قفزة كبرة من 45 الى 62 يعني قبل ما احمل كنت 45 وفي الحمل ما اعرف كم زدت بس وايد وبعد الولاده ثبتث على 62 لمده 5 سنوات خخخخخ
بعدين حملت حملي الثاني في البنت ضعفت بالحمل وايد خصوصا الاشهر الاولى تقريبا نقص 7 كيلو وبعد الولاده ثبتت على 60 هاليومين 58 قاعده احاسب في الاكل

بس لو الله كتب حمل ثالث عادي مدري لوين بنسير

لا تحاتين مول

انا الحمدلله نزل وزن الحمل بس زدت كيلوين عن قبل الحمل .. يبالهم رياضه طبعا
واذا بتربين طبيعي بينزل الوزن الزايد كله .. يمكن لاني ربيت بقيصريه خذت ست شهور لين مارد جسمي تقريبا
و اهم شي بعد الربا ترضعين طبيعي لان الرضاعه هي اللي تضعف عن تجربه

وبس لاتحاتين ٧ كيلو عادي .. انا زدت ١٥ كيلو تقريبا

اه وزني … ودي يرد وزني شرات قبل

انا في بجري قبل لا احمل كنت اكل واااايد بس ما امتن بسرعه يا دوووب يزيد كيلوين بالويكند ويرد بايام الاسبوع

ويوم حملت زاد وزني 12 كيلو وكل مره اسير للدكتور وتشيك ع الوزن انصدم كنت ازيد كل شهر كيلو فـ تقولي الدكتوره ها شي طبيعي وبعد الولاد بتنزلين

بعد الولاده نزلت كم كيلو وقت النفاس كان اكلي صحي واكثر شي كنت اشتهي الفواكه بالمره ما اكل عيوووش ولا سندويشات ولا شي مراااات مراااات تغصبني امي وعن خاطرها اكل لقمتين واقوم

والمصيبــــــه

الحين صار وزني ما ينزل بسرعه بعد النفاس كنت اكل وااايد ولا اهتم عبالي شرات قبل وانصدمت الكل يقولي ما توقعناج تمتنين بسرعه … واااايد زدت وما ينزل وزني بسرعه

دشيت نادي اتمرن ونزلت كم كيلو وبعدها وقفت وزاد وزني والحين يبتلي جهاز مشي 4 في واحد مع تمارين بطن وابدأ تمارين يوميا بس بصعوووبه ينزل وزني والحين وقفت عسب اني حامل وبرد عليه بعد الولاده الله يسهل يا رب

هي صح كلام الشاعريه … نصيحه رضعي طبيعي لا توقفين لان الرضاعه بترد جسمج انا رضعت ولدي ثلاث شهور ووقفت وندمت والحين ان شااااء الله ناااويه اذا ولدت ارضع النونو اليديد ع الاقل سنه

اشكركم ع المرور والله يتمم ع كل وحده حملها واتمنى من الباجين يشاركونا بتجربتهم وما يبخلون علي

انا ثلاث حملات ورا بعض ازيد وارد انقصهم
صدقيني خلي عندج عزيييمه بس بصراحه الزياده الاكبر بتبدي معاج من السابع وفوووق بتزيدين وايد لكن بتنقصينهن تدريجيا
هالشي طبيعي مع كل للحوامل بس في الي اول حملها تنقص واايد وتالي تزيد مع الحمل ولمن تولد تقول مازدت لنها الريدي نقصت وزادتهن
وفي الي مثلي تزيد نن الشهور الاخيره مايقاؤب عشرة كيلو بس اذكر اول حمل زدت 18 كيلو ^^
المهم الوزن بينزل تدريجيا مش كن فيكون هاي نقطه لنج ترضعين اهتمي باكلج الصحي وتناولي وجبات فيها غ1اء صحي متكامل والريااااضه