مرحبا خواتي
يابنات ابغى اسألكم عن اللي عانت او تعاني او تعرف احد يعاني من ورم ليفي او مائي في الثدي
كيف عالجتوه وشواللي صار
انا امي عندها وارام والحمدلله حميده
وانا عمري 25سنه وطلعي اول مره في 2024 في صدري اليسار وكنت احس فيه شرات الكوره التيله وسويت عمليه وشليته
والحين من 6 اشهر سويت فحص طلع عندي ورم في صدري اليمين بس الحمدلله اختفى بس انصدمت صدري اللي سويته عمليه طلع فيه ورمتين وحده حجمها 5 مل ووحده حجمها 7 مل للعلم انا كنت اعاني من الالام في صدري …………….. يعني بعيد الشر عن كل المسلمين اذا عندكم الالام في غير اوقات الدوره سوو فحص
والدكتور قالي بنسوي لج خزعة وبيحللونها وانا والله خايفه
اذا ممكن حد يفيدني
اللهم رب الناس أذهب الباس وأشفي أنت الشافي شفاء لايغادر سقما
اللهم رب الناس أذهب الباس وأشفي أنت الشافي شفاء لايغادر سقما
للرفع
اللهم رب الناس أذهب الباس وأشفي أنت الشافي شفاء لايغادر سقما
الله يبعد عنج كل مرض انشالله …ولاتخافين الحين الحمد لله الطب اطور …والفحص الي سولج ايااه الي سمعت عنه يبين هل انتي معرضه في المسقبل للمرض اولا وانشالله لا ..والله يكفي الشر عناا …وعليج بالمراااجعه اهم شي …وماتشوفين شر انشالله ….
الله يبعد عنج كل شر اتعالجي باسرع وقت الغاليه00
يزاكن الله خييير