كم عدد العوانس في الدولة ؟؟؟ . اي سن تعتبرين البنت عانس ؟؟؟ .

السلام عليكم
وفقا لدراسة رسمية نُشرت في الإمارات مؤخراً فإن عدد العوانس قد وصل إلى 68%، أي أن في كل بيت إماراتي فتاة عانسًا، هذا بالإضافة لارتفاع نسبة تأخر الذكور والإناث في الزواج، وعلى الرغم من ذلك يظل المجتمع الخليجي مكبلا بقيود العادات والتقاليد التي تفرض شروطا باهظة لقبول العريس المتقدم.

تعتبر البنت عانس في سن 25 الي 30 سنة

يالله يابنات خل اتسوي جمعية حق البنات يلي متزوجو الانه ااذا نحن ما حطينا يدنا بيد بعض ماضن انه بيكون في نسبة عوانس بهذي الدرجة
ياريت ايكون في ملف خاص حق هذي المشكلة يلي عدها اختها او اخوها او اي احد من الاهل يالله خل اتشارك معانا صدقوني فكرت الخطابة مش عيييييب بلعكس تر اول كل يلي يتزوجون عن طريق الخطابة يالله خل انساعد بعض انا اعرف بنات في كويت وقطر الله يعطيهم الف عافية شادين حيلهم في هذه الموضوع
والسموحه علي التقصير
منقول

أنا ماشوف عوانس في الإمارات اللي مب معرسه لو سألتيها هي اللي رافضه الريايل اللي يوها،، ونسبه بسيطه اللي تبا ومحد ياها أو ياها وماناسبها ،، وهذا يصير في كل بلد،، والحياة توازن والحكمه عند رب العالمين،،واللي تبا ريل هالأيام شوي تتطلع من الخنشوش اللي هي فيه عشان الناس تعرف هالبيت فيه بنات،، تلقينها يوم حريم ايوون عند امها شردت وما تطلع تسلم ولو عزموها على عرس ما تسير.. الناس كيف بيعرفونها يوم هي مندسه..مع ان عدد الذكور في الإمارات اكثر من عدد الإناث،، ها ولا شو قلتوا خواتي؟؟

السلام عليكم ورحمة الله وبركاته

اختي الغاليه ما يصير انقول كلمة (عــــــــــــــــــــــــــــــــــــــــانـــــــ ـــــــــس)

لان كلمه غير صحيحه ……

وموضوع تاخر الزواج في ناس نصيبهم قبل وناس اكون النصيب متاخر وكل شئ عند الخالق

بحكمه ….. والــــــلــه يرزق كل وحده ويسعدها بحياتها انشا الله …..

البنت تعتبر عانس من سن 25 ؟؟.. اخاف يستوي 18 بعدين .. انا بالنسبة لي احسن شي البنت تتزوج وهي فوق سن الـ 25 .." مجرد رأي" .. و مثل ماقالت الاخت ريم الغزالي إنه في ناس ايي نصيبهم بسرعة و في ناس متأخر ..

انا 20 وبدخل ال 21 بعد كمن شهر و احس عمري عانس السن المناسب للزواج 18 وانا تخطيته بسنين

العانس متى ينقال يوم توصل 30 لانه منو بياخذها لانه الرياييل يدورون الي اصغر سنا ….والوحدة واذا تخطت 25 تقول على نفسها على الدنيا السلام …..

بسم الله الرحمن الرحيم !!! اختي من وين يايبه النسبه ؟؟؟ ترا مو كل شي ينكتب فالنت صدق !!!

يعني كلللل هالمعرسات بس 32 % !!!!!!!!!!!!!!!!!! سوري بس الكلام ما يتصدق

بناااااات هالمفهوم.. لااازم احنـــــــــا نغيره ..
مو ننشره و نصدقه و نعتبره واقع !!!

اللي فالعشرين عانس !!!!
استهدو بالله ..
الأرزاق بايد الله .. فالعشرين فالثلاثين فالأربعين ما في سن معين ..
في ناس تتزوج مره… و في ناس تتزوج مرتين و ثلااث .. و في ناس ما تتزوج ..
هالشي نصيــــــب .. مثله مثل كل شي فالدنيا ..

شوفو المجتمعات الثانيه .. اللي عمرها 25 يسمونها عانس !!!!!! طبعاً لا
الغلط من عندنا ..
منا احنا اللي نصدق هالكلمه و ننشر هالمفهوم ..

حبيبتي أنا فسنج .. و أعتبر نفسي صغيره عالزواج و المسؤوليه .. و بكمل دراستي اللي باقيلي فيها 5 سنين ..
يعني أنا فنظرج عااانس بجميع المقاييس ؟؟ ؟؟ههههههه

الحين الدنيا تغيرت .. البنات يدرسون و بشتغلون .. مب مثل قبل تتزوج من يصير عمرها 14 سنه ..

بعدين شو الزواج ؟؟؟؟؟؟؟
يعني تبون تقنعوني إن السعاده الكااامله فالدنيا بالزواج !!
يا ما ناس تزوجو و تغربلو .. و تمنو لو ما جربوه .. و لا يو صوبه ..
و في ناس مرتاحه أكيد ..

اختي الرزق بايد رب العالمين .. أنا أعرف بنات تزوجو قرب الأربعين .. و الحمد الله عايشين متهنين .. و غيرهم تزوجو فالــ17 و 18 و مو مرتاحين و اللي ترملت و اللي تطلقت .. ترا كلامج مو مقياس !!

يمكن فرصهم مختلفه .. بس مب معدوووومه مثل ما انتو تقولون !!!!
كل انسان رزقه مكتوب له قبل لا ينولد ..

هذا رايي ..