كم فرق العمر بين أعيالج أذا حابه تخبرينا حياج الله أدخلي .

بسم الله الرحمن الرحيم
السلام عليكم ورحمة الله وبركاته
خواتي العزيزات

الموضوع أمبين من عنوانه ..
كم فرق العمر بين أعيالج .. وهل كان هذا الفرق سلبي أو أيجابي
فيدنا بتجاربج عزيزتي

عني عندي بنتي شيخه عمرها الحين 11 سنه وبفضل من رب العالمين أنا حامل بالثاني بعد هالفتره
أشوف في حالتي في سلبيه وفي نفس الوقت في ايجابيه..
السلبيه الفرق لكبير بين بنتي والياهل إلي ياي
والأيجابيه هي مساعدتها إليه يوم بييني الياهل .

يله حياج خبرينا كم الفرق بين أعيالج .
وسامحوني جان الموضوع متكرر .

انا الفارق بين عيالي الثلاثه 3سنوات لما يكملو السنتين و زيادة احمل
انا ارتاح و الياهل ياخذ حقه

انا بنتي البجر عمرها 3 سنوات ونص
وولدي احينه 10 شهور

moon_99

zoomyat

حياكن الله خواتي وشاكره لكن مروركن الكريم .

بالنسبة لي
بين المولود الأول والثاني سنتين
وبين الثاني والثالث 3 سنوات
وبين الثالث والرابع 4 سنوات..

أحس كل فترة لها ايجابيات وسلبيات..
يعني يوم يكون الفرق بسيط يكبرون مع بعض بتتعبين أول فترة وعقب بترتاحين وبيستون ربع..
وإذا كان الفرق كبير انتي بترتاحين بس عقب بتتعبين في تربية الياهل لأنج بتكونين تعودتي ع الراحة ويمكن نسيتي شوي كيف تتعاملين مع البيبي..

كتبت وجهة نظري ع السريع وباختصار..

انا احس الفرق بسيط واحس حرام ف نفس الوقت ماعطيته حقه الولد
ولدي مايد عمري 8 شهور وبيدخل التاسع وحامل حاليا

انا عندي ولد واحد الله يحفظه توه مكمل سنتين. افكر احمل الحين بس يوم اتذكر كيف تعبت معاه والسهر الي لين 10 الصبح وماااشي رقاد ودوام ولعوزة.. واتذكر كيف تميت ازاوع طول فترة حملي اتردد ف الحمل الحين.. علما بأن ولدي ما شاء الله وااايد حركي يعني ما اتخيل عمري حاامل واتم اراكض وراه شو تشورون علي؟؟