اشحالكن يا حلوات
موضوع من زمان ف خاطري بس مب عارفة ارتب الكلام
كننت اتمنى اتزوج اليوم قبل باجر
و ادعي و اصيح كل يوم بصلاتي يا رب اتزوج
و يوم تطيح الميانة مع اخوي اقول له شوف لي واحد من ربعك (واااابوي عليج يالمستخفة)
يقول لي بقص لسانج
اقول له زين لين متى بتم جيه و كبرت و ابا اعيش حياتي و من هالكلام
اخوي ريال عود و انا ف عمر عياله
يقول لي الزواج مب كل شي لين تزوجت و شفت
اكتشفت انه الزواج سنة الحياة و لكنه ليس الطريق الوحيد للسعادة
فيه اشياء وايد كانت تسعدني قبل الزواج و اللحين ما قدر اسويها لانه الظروف تغيرت
برجع لكم بنات عندي مقارنة بين حياتي قبل الزواج و بعد
ياريتني سمعتها بهالتفصيل يوم كنت عازبة
بتفيج و بكتبها لكم وراي نشه من الصبح مع الصغارية
و لكني ضد اللي تقتل عمرها عشان تتزوج
لاني عشت ذيك الايام
يرقد على كيفه ههههههههههه
يطلع مرات السوق على حسب رغبته
يطلع مع ربيعات ومغمارات
يشتغل ويشوف الناس
يدرس ويكمل دراسته
بس
في ناس بتقول في ناس متزوجه وعايشين حياتهم
صح كلام صح في متزوجات يشتغلن ويدرسن ومسؤولات عن الاهل ويطلعن مع الربع ولكن
حسب كل وحده
في ناس يستمتعون كثير بالمسؤوليه في ناس لا
يحسونها ضيق
بس بشكل عام
البنت اذا تعد عمرها ثلاثين سنه اتصور من غير زواج بتحس بنقص يعني لازم تربي عيال وتسير مثل الناس بني ءادم
ولكن في حال مافي نصيب في مجالات في الحياه ثانيه
والحياه الزوجيه تعتمد على المراه والرجل في نساء يحبن العيال والزوج كثير وفي رجال يحبون العيال والحرمه فمايحسون في مشكله
بس المسؤوليه صعبه بشكل عام
مثل الدراسه والعمل مب الكل متوفق فيها بس في ناس يشوفونها سهله وعليهم وماعندهم مشاكل وشخصهم قوي
نفس الشي الزواج مب الكل متوفق فيه في ناس يشوفونه صعب وفي ناس يشوفونه قشطه! عادي
كله توفيق من رب العالمين بس الواحد يسعى
بس ربط سعاده بالزواج اكيد في مشكله ما !
يعني يمكن البنت عندها رغبه قويه بالزواج فتربط السعاده به بس مب صحيح
لان الزواج مسؤوليه ومب ضروري الزوج بيعاملك مثل ماتتوقعين! بس في بنات يحتاجن يتزوجن لان سنة وعندهن رغبه فيه فتحسون كل الدنيا عندهن زواج يوم يحصلن مبتغاهن ويصير الروتين عندهن خلاص بيغيرن الاسطوانه ويتمنن لو عاشن عزابيات! ياسلام دا كان من زمااااااان هههههههه
والزواج سنة الحياه
بس ممكن توجدين السعاده بحياتج الزوجيه
يمكن المسؤوليه متعبتنج ومب محصلة وقت لج
بس صدقيني لو رتبتي وقتج وامورج واعطيتي كل ذي حقا حقه برتاتحين
ربي يحفظج
المشاركة الأصلية كتبت بواسطة التفاؤل طبعي 
اشحالكن يا حلوات
فيه اشياء وايد كانت تسعدني قبل الزواج و اللحين ما قدر اسويها لانه الظروف تغيرت
أأيدج بقوة
الزواج الحمدلله استقرار وسنة الحياة
لكن أحيانا حياة العزوبية تكون افضل بوايد
ولكن لابد ننظر للجانب المشرق في الزواج
وندرك انه لكل سن او مرحلة عمرية مميزاتها وايجابياتها
ننتظرك …