شحالكن خواتي ؟
من زمان ما سويتلكم تقارير سياحية واليوم موضوعي عن مدينة السحر والجمال الفرنسي كولمار Colmar
هي مدينة صغيرة في اقليم الالزاس الفرنسي على حدود المانيا و اللي عاصمته المشهورة ستراسبورغ
تشتهر بقنواتها المائية ومبانيها القديمة وبيوتها الملونة و لها طابع تاريخي ساحر مثل مدينة البندقية الايطالية و امستردام الهولندية و بروج البلجيكية
و ممكن زيارتها من مدينة فرايبورغ الالمانية او بادن بادن او ستراسبورغ او Rust
بس اقرب حق فرايبورغ تقريباً 50 كم
و على فكرة كولمار مسوين لها نسخة طبق الاصل في ماليزيا .. قرية فرنسية بكل تفاصيلها في منتجع اسمه بوكيت تينجي يبعد ساعة عن كوالامبور ، يعني اللي بتروح ماليزيا تقدر تشوف النسخة التقليد 
بخليكم الحين ويا الصور الصراحة اتخبلت عليها مع اني رحت ستراسبورغ في زيارة سريعة لمدة يومين بس ما لحقت ازورها للأسف
و هالصور من مدينة ستراسبورغ الجميلة عاصمة اقليم الالزاس ^^
بغيت منج جدول مرتب تفصيلي لمدة 10 ايام لشخصين يكون تجديد شهر العسل خخخخخخخ يعني ما نبا حدايق ولا متاحف نبا طبيعه وهدوء واخر ايام شوبينق
انا بغيتها تبدا من المانيا وتنتهي بفرنسا وبينهم نمسا
وفي فرنسا يوم نسير لندن ونرد
ممكن نزيد المده 15 يوم عادي
ان شاءالله ما اكون تعبتج
جنة على الارض … الواحد ينسى هموم الدنيا يوم بس يشوف الصور
فكيف لو زارها …؟
الله يعطيج العافيه على الموضوع