كيـف آقنـع آمـآيه إإنـ الزوآج ستـــر وغطـى للبنت مش ويــع رآـس !! طلبتـكن آلغوآلـي ,,

شحآلكم خوآتيه عسـآكم الا بخير وعآفية ,,

ممممـ بـدون مقدمـآت بدخل طوآآلي ف آلموضـوع ,, ومـآريد اي وحده فيكن تغلط على امايه او اي طرف بطريه ف الموضوع ,, مهما كان يضلون هليه وناسي ,,

آنـآ وآعوذ بالله من كلمـة انا ,, عمريه 19 سنة ,, ادرس ف الكلية من سنتين وبآجيلي 3 سنوآت عسب اخلص ,,

المهـم ,,

في نآس يبون يخطبونيـه وانا مب عارفه شقا اخبر اميه بهالشي ,, يمكن تقولون عادي وجي ولا تستحين من امج ,,

بس المشكله مش ف المستحى ’,

المشكله ان امايه ماتبيني اعرس , كل ماجيس نبضها تقولي مابتعرسين ولا تفكرين بهالشي ,, وخلصي دراستج واشتغلي وبس وعقب يحلها الف حلال ,, انا مب مستعيله ع العرس ولا شيآته , بس شي يحز ف الخاطر ,, كل ماترمسنيه وحده من ربيعاتيه عسب تخطبنيه , اقولهم امايه ما بترضى ولا تحاولون ,,

على فكرة امايه من النوع العصبي جدا جدا جدا "الله يحفظها" وماتحب تتناقش وترفض ان اي احد يجادلها او يبدي رايه جدامها ,

ماتتحمل ابدا وبسرعه تعصب وممكن تزعل شهووور بس عسب ناقشنها ,, الله يهديها يارب ,,

مره خالتيه كانت تسولف ويايه ومن ضمن السوآلف طرت سالفة العرس وجي , وسألتنيه اذا خبرت امايه عن اللي يبون يخطبونيه , ف قلتلها لا ماقلت لاني ماريد احرج نفسي معاها وعقب بتعصب ومابترمسنيه ,,

قالتلي ها كله شي طبيعي اونه وكل ام ممكن تقولي جي لانج تدرسين ,, قالت خل يتقدمون لج رسمي وشوفي شقا ردة فعلها بتتغير ,,بس انا ماتخيل والله ماتخيل اخبرها او اخبر الناس يتصلون بها وعقب تردهمم او تحرجهم او تقولهم ماعندنا بنات للعرس !!

بس والله جد , لو اليوم ياني واحد زين مب كل مره بييني ,, انا صغيره واعرف هالشي , والحمدلله عنديه طموحات كثيره غير العرس ,, بس بعد اذا الريال زين ليش نرفضه !!

الشي اللي ابيكم تنصحونيه فيه ,,

شقايل افاتح اميه بالموضوع ؟؟ واذا رفضت شو اقولها ؟؟ وكيف اخليها تقتنع ان الزواج ستر للبنت لانها حاطه ف بالها ان الزواج صدعة راس ومب مهم ,,

بالرغم من حياتنا حلوه وايد واهي وابويه سمن ع العسل والحمدلله !!

دخيييلكن ساعدنيه ,, وادعوليه ان ربي ايسرليه اموريه ويهدي امايه ويلين قلبها عليه ,, ويتمم هالخطبه على خير ,,

آلله يسعدكن ويبـآرك لكن ف حيآتكن ,,

آختكن