تخطى إلى المحتوى

كيفية التخلص من هرمون الحليب على راي الدكتوره .

خليجية

مرحبا حبيباتي..عساكن بخير وسهاله..المهم..انا من زمان اعاني من هرمون الحليب اللي مب طايع يخليني..ماادري هو حب ولا عناااد..

المهم انا راجعت الدكتوره أوراس..وبصرااحه انا احب هالانسانه وايد..

وسووت لي فحص وبعد كان هرمون الحليب مرتفع..وقالت اذا ودج يعتدل

افطمي بنتج..لانه في بعض الحريم عاادي يحملن وهن يرضعن..وفيه حريم

مايقدرن يحملن اذا هن يرضعن وهذا السبب يرفع هرمون الحليب عندهن

وانا من هالفئه اللي لازم تفطم علشان تحمل وعلشان يعتدل هرمون الحليب

الله يعيني انا الحين من 3 ايام فطمت بنتي وعاادي احس براحه خاصة

ان الرضاعه متعبه بالنسبه لي واصلا مافيني حليب بس بنتي تحب تلعب..

والحين ماشيه على الحليب المساعد والله يعيني..بنات ادعولي اني احمل

هالشهر طلبتكن وادري انكن خويات شما..والله يعينا..ويرزقنا بالذريه

الصالحه..يارب…خليجية

االسلام عليكم و رحمة الله و بركـــــــاته ..

يعطيج العافيه و الصحه .. اختى الغاليه :: ذهبــ ::

وجودي فـ هالقسم بصراحه …. ^^ بالصدفه

انه مبـ متزوجه و لا شي … بس جذبني عنوان الموضوع ..

ربيعتي مبـ متزوجه و كانتـ تعاني من آلام فـ الصدر و كانت

خايفه يكون شي لا سمح الله فـ صدرها ..

و لاما تشجعتــ و سارتــ الطبيبه .. قالتـ لها عندج هرمون الحليب …

ممكن تخبريني شو سلبيات هالمرض و اضراره ع البنيه

و شو اسبابه ..

و اذا ربيعتي تبي تتخلص من الالم .. شو وسائل العلاج

مع العلم انها مبـــــ متزوجــه ..

فديتـج ممكن تفيديني فـ المعلوماتـ ؟!!

هلا وغلا بج الغاليه..اسعدني مررورج..

بصراحه هرمون الحليب اللي اعرفه انه تفرزه الغده النخاميه ويكون سببه تنناول ادويه الاكتئاب وهذولا اعتقد

اللي يتعالجون نفسيا..وبعد اللي عندها تكيس على المبايض ممكن يرتفع عندها الهرمون..ومن اعراضه بعد..صداع..

وعلى فكره تراه يكون عند الريال بعد ممكن يرتفع عنده هرمون الحليب بس بنسبه بسيطه عن المرأه..

وممكن الحاله النفسيه ممكن تكون عامل في ارتفاع هرمون الحليب..ومن اعراضه بعد عدم انتظام الدوره الشهريه..

وبصراحه حبيبتي هالامور اللي اعرفها عن الهرمون وان شاء الله اكون افدتج..واحسن حل انها تفحص على المبايض

عن تكون لاسمح الله مصابه بتكيس..والله يشفيها..ويشفينا..

يعني المشاهدات 23 والردود 1 ليش عاااد شو الحاله كل مانكتب مواضيع ماحد يشارك..مافي تشجيع ابد..

الغلا بقولج على طريقة ممكن انج تتخلصين من الحليب فى صدرج نهائيا

يبلى ليمونه خضرا ومشيها على صدرج …وخليج لمدة لين ما ينشف الماى على صدرج كررى العملية كذا مره فى اليوم وخاصة باليل لمدة 3 ايام وانت والخير رباعه بأذن الله

هلا بظبية دبي والله..مشكوره حبيبتي على النصيحه وجربها ان شاء الله بس ليش عاد الليمونه الخضرا بالذات..

يزاج الله خير اختي
اشكرج ع المعلوماتـ القيمه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.