كيفية التعامل مع المراهق؟؟؟؟؟؟؟؟؟؟؟؟؟؟؟؟؟؟؟

بنات اناعندي ولد في سن المراهقة صار عنيد دائما يخالف كلامي مااعرف كيف اتصرف معاه حتى ابوه مايعرف كيف يتصرف والله محتارة وفي نفس الوقت خايفة من هالسن………….. ساعدوني بليززززززززززز

الغاليه اهم شي يكون ابوه قريب منه.. صديق له.. ولا يتعامل معاه بمبدأ النصح الدائم لان ما يعجب المراهقين.. حظوه عالصلاه لان الدين هو الرادع الرئيسي.. وخلي ابوه كل فتره ياخذه معاه لصلة الرحم.. يوديه السوق يتعلم كيف يشتري اشيا للبيت،، هالشي بيعلمه كيف يتحمل مسئوليه وبتعجبه فكرة انكم تعاملونه على انه رجل.. ترى الشباب في هالمرحله مثل اللي ينزع جلده.. يألمه نزع الجلد اللي ضاق عليه وفي نفس الوقت مب عارف شو نوع الجلد اللي بيكون عليه..

هذا دور ابوه الغاليه.. وانتي عليج تعاملينه بمدأ انه الابن القدوه لاخوانه الصغار وانه الابن اللي بيشلكم يوم تكبرون وانه الغالي اللي انتظرتوه يكبر عشان يكون صديق لكم.. وانتبهوا من اصدقاء السوء وخاصه ان حد منهم ممكن يدعوه لا سمح الله للرذيله.. وايد متشره الرذيله بين المراهقين والجنس الثالث (الله يعزكم).. الله يبعد الشر عن ولدج وان شاء الله تربيتكم الصالحه له وتمسكه بالدين وشعور المسئوليه بيكون رادع وحامي له

الله يعينكم ويحميه

ننفس مشكلتي مع ولدي اكبر واحد…ماعارفة كيف اتعامل وياة
عنيد.مايسمع الكلام .يضرب خوانة بدون سبب يسوي كل شي على كيفة …وطالعلي بسالفة هالمرة يريد بطاقة بنك وفيها رصيد طبعا ماسويتلة سالفة وماعارفة كيف اتفاهم وياة اذا لقيتي حل خبريني ؟؟؟؟؟؟؟؟

انا بعد اعاني وياكم

مشكورة اختي anwaarابوة مش مجصر معاي مساعدني وايد تصدجين يوم يحتاجون خوانة اغراض للمدرسة يقولة ابوه روح يب لاخوانك من المكتبة الي يبون وانا كنت اعارض لاني ماأمن علية من الشوارع …ابوه يقول انا صار كبير خلية يروح …..بس توني مقتنعة بكلامك…… وراح اشوف اذا فية تغير…

بنات الي عندها اولاد مراهقين تخبرنا بتجاربها علشان نتعض من بعض ومانغلط نفس الاغلاط…… وجزاكم الله عني كل خير