صح بعده وقت على هالسؤال بس حبيت أهيأ ولدي من ألحين حق الروضه ..
أن شاءالله السنه اليايه ولدي بيدخل كي جي 1
هو ولدي الوحيد وألحين قريب باييب البيبي الثاني .. ولدي فديته متعلق فيني بس أنا حاليا أحاول أخليه شوي يفج مني ويتعود عاليهال يلعب معاهم بس هو بطبعه ما يحب يلعب مع حد يحب يلعب بروحه بس يوم أروح بيت هلي وايد يحب أختي الصغيره ويلعب معاها ..
فعاد أنا أريده يتعود عالروضه وديته كمن مره الروضه واستانس عليها بس خايفه انه يتم يصيح يوم أخليه وأروح عنه وانا بيكون عندي بيبي فما بقدر أتم عنده طول وقت الدوام وبصراحه ما احب الخدامه تودي ولدي وتيبه ..
صح أول يوم بروح معاه بس كيف أقدر أخليه واروح ولا أنه يصيح بصراحه ما يهون عليه يصح ..
يعني بالمختصر كيف أحببه فالروضه ويحب يروح ألها ويستانس مع اليهال ..
أترياااااااااااااااااااااكن ..
طبيعي الولد بيصيح وبيقول أبآ مآمآه ..
شوفي انتي سيري معآه أول ألايآم كل يوم الصبح ..
اليوم الأول يلسي ويآه في الصف << مآ أظن ممنوع ..
عقب طلي عليه من الدريشه ..
شوي شوي قوليله بسير أشتريلك حلآوه وبيي ..
لين مآ يتعود شوي شوي بروحه ..
والله يحفظه لج ويخليه 
ع فكره في يهآل مآ شآء الله عليهم يحبون الروضه .. بس تشوفينهم يصيحون يوم يشووفون بآجي الاولاد يصيحون
لأن في البداية كل اليهال يصيحون…وهو بيصيح معاهم
مره قريت في كتاب من طرق تحبيب الياهل في الروضة
انج تقعدين تلونين معاه أو تلعبون بالمعجون (الاشياء اللي يسونها بالروضة)
وانتوا قاعدين مندمجين ومستانسين تسألينه
حلو التلوين…أو اللعب بالمعجون (حسب شو انتوا تسون)
طبعا راح يجاوب,,,,, هي حلو وناسه
قوليله في الروضة بعد بيعطونكم تسون جي
يعني أربطي في راسه ان الروضة فيها أشياء حلوه ومسليه ,اشياء هو يسويها في البيت (عشان يحس بؤلفة)
الشي الثاني … دوم مروا على الروضة وانتوا داخلين وطالعين
واشريله عليها …قوليله هذي روضتك ان شاء الله بتروحها
هذي الأفكار اللي عندي
ولازم تقتعين نفسج ان الياهل بيصيح يعني بيصيح
قوي قلبج
https://www.forum.uaewomen.net/showthread.php?t=699027
بس لو شفتيه يصيح مايبي يسير شجعيه ورقديه من وقت لا تخلينه يسهر عشان يتعود وما يقول يبي يرقد
اتعرف شجعيه قوليه بيعطونك كاكااو وحلويات وبيدرسونك واشتري له الجنطه يعني اذا هو يحب سبايدر مان خليه على ذوقه وحتى اللبس والجوتي و الاقلام .. وجي يوم بيشوفهم بيتوله على الرووضه ووبعد عطيه حوافز قولي له انت بتسوي مثل بابا كبير وبتروح الدوام الان جي اليهال يبالهم مساايس لا تخلين الخدامه تلبسه ولا تخلينه يعتمد عليها في شي
والله يوفقج