كيف اتراجع عن الخطوبة

السلام عليكم ورحمة الله وبركاته

بنات شحالكن …؟؟

عندي مشكلة وبغيت مساعدتكن فيها ، ماعندي اقدر اقوله هالشي غيركن
قبل رمضان انخطبت وتمت النظرة الشرعية ووافقت والريال نفس الشي ومشت الامور تمام والحمدلله وعقب فترة كلمت اخته وانا اسولف وياها قالت لي تراه مايلمجون من عادتهم الملجة والعرس فنفس اليوم وطبعا انتن تخيلين موقفي انا كيف صار وماناقشتها فالموضوع
المهم خذت رقم الريال من تيلفون اميً وطرشت له مسج وتفهم وضعي اني لازم اعرفه قبل العرس ولازم يسوون ملجة .. فقال لي خير ان شاء الله ودامج طلبتي من هالشي خلاص تم ..
عقبها طرش لي مسج انه يبى بن كودي وماقدرت اقول لا واطرب انه اللي سويته غلط بس لاني يوم طلبت منه حقي فالملجة قال تم ومع ذلك انا ماكنت مجبورة اعطيه بن كودي ..
تميت فترة مايقارب الثلاثة اسابيع اكلمه فالبلاك بيري فاول اسبوع قلت له انه ناجل تعارفنا لبعد الملجة عشان الله يوفقنا ويكون بالحلال فرفض هالشي وقال لا تحسسيني انه نحن الاثنين مب قادرين نتفاهم مع بعض واحسن انه كل واحد يتم فبيته انصدمت من ردة فعله وسايرته … بس اكتشفت انه ابد مايناسبني وعقلياتنا مختلفة تماما عن بعض ولدرجة اني مره كنت اناقشة فموضوع رد علي ( هذا جزاء اللي ياخذ واحد مب متعلمه ولا فاهمة ) مع اني الحمد لله دارسة صح ما كملت الكلية خذت الفاونديشين وطلعت مب اني رسبت بالعكس كان مستواي جيد جدا ومره قالي شو تسوين وانا كنت قاعدة ارتب اوراق حق اخوي وحسابات وغيره وغيره قال لي ليش مايمشي لج راتب قلت له اشفيك هذا اخوي وهو مايقصر معاي ابد قالي حتى لو لازم يمشي لج راتب اخر شي سكت عنه ومرات ايييب سوالف ماحبها قلت له هالاشياء عقب الزواج زعل مني .. ودوم يردد البنات ناقصات عقول وهالكلام وارد عليه بشي مقنع واحاول اناقشه مايعيبه ابد ومايفهم علي وحتى مره تضايقت وتميت اصيح والسبب اسلوبه وقلت له بتروح وتنام ولا حتى يهمك باللي حاسه فيه قال هيه عيل شو بنام من الصدمة صحت اكثر وصارت وايد مواقف حتى فالدعاء قال لي انا ماعرف ادعي قلت الدعاء حبل وصل بينك وبين ربك ومب لازم يكون كلام مرتب قول اللي فخاطرك والله بيسمعك قال لي انا كسول وراح ينام مع انه يصلي ويقرا قران … ومره طلب مني انه يبى يشوفني وكان واقف بسيارته برى البيت وطبعا انا رفضت قلت له انت ماتخاف علي قال محد يقدر يسويلج شي وطبعا انا مليون علامة تعجب فبالي من اللي سواه وهو اناني شوي يعني انا لازم اسوي له كل شي واداريه وهو لا قالي الحين انا وعقب انتي استغرب من كلامه وتفكيره ومره قال الريال لازم يكون جدام وحرمته من وراه رديت عليه ليش تكون حرمته وراه ليش ماتكون وياه وعداله وايده فايدها ويهتم فيها بس ولا كاني قلت شي .. عقب هذا كله احس بتردد كبير وخاصة انه الملجة بتكون عقب اسبوع او اسبوعين بالكثير وافكر اتراجع عن قراري اني اتزوجه من دون تجريح او حتى اضايقه هو عمره 26 وانا 22 .. ومرات اقول الحمدلله اني كلمته قبل لا يملج علي .. الزواج مسؤولية ومشاركة بين شخصين

دخيلكن ساعدني شو اسوي

بالعكس انا اشوف افضل فتره الخطوبه قبل كتب الكتاب
وبما انه ما عجبك وما اتفقتو صارحيه وخلاص وكل واحد بياخد نصيبه
صراحه عقليته شكلها صعبه
الله يوفقك ويكتبلك الي فيه الخير
تقبلي مرروي ^_^

الله يطمن قلبج ويهدي سركم
فترة الكلام بينكم ما تعدت شهر .. !!!
واكيد ما وضحت الشخصيات وطريقة التعامل للطرفين
هو حاط في باله فكرة عن البنات والطريقة اللي لازم يتعامل فيها ويا بنات حوا
عليج باسلوبج وبالتفاهم انج تغيرين له هالفكرة ..
احس انه مهم يعرف مب كل البنات نفس الشي
المدة اللي بينكم مب كافيه يعرف تفكيرج واسلوبج وانت بعد .. لا تحكمين عليه

اللي اقدر اقول لج الحين … هو الاستخارة اكثر عن مره
ووكلي امرج لرب العالمين
والله يكتب لج اللي فيه الخير

انا بعد اقولج استخيري

تسلمين حبيبتي ايمان .. بحاول اشوف لي حل واللي الله كاتب فيه الخير بيصير ..

استخرت وكل مره وارجع واستخير وادري انه شهر مب كافي انه تعلمج بانسان بس مرات تصير مواقف توضح لج اشياء ثانية .. حتى فصلاتي ادعي انه ربي يوفقني بي اخاف عقب يطيح الفاس بالراس وفكرت اني اكلمه وياخر الملجة لين اتاكد من وضعي معاه و ماتقصرين والله على الاقل تنورون جدامي حلول

ان شاء الله ومالي رجى غير بالله ..