شخباركن يالغاليات
عندي ولدي عمره سنة و8 شهور
واريد افطمه بس مب عارفه
وهو تعود انه يرضع اكثر من رضعتين في الليل يعني توصل لل 4 رضاعات واكثر في الليل
وما ينام الا وهو يرضع واذا ما كان يرضع بييلس يصيييييييييييييييح وحشر الدنيا
وعندي ابوه ما يتحمل صيااحة وتعرفن بعد الريال يكون عنده دوام في اليوم الثاني عشان جي كنت اسكته بالرضاعه اعرف ان هذا شي غلط بس ما باليد حيلة.
المهم اريد حل اريد افطم الولد شو اسوي وشو استخدم
جربت المرة بس ما نفعت رضعها عادي
جربت الصبار بعد ما نفع
تعبت من الرضاعه لا ليل ليل ولا نومي مستقر واااالاااااااااااام في الكتف
اريدطريقة فتااكه وسهلة في نفس الوقت
طبعا انا ما لجاة الكن الا لاني جربت وقريييت واااااااااااااااااااايد في النت عن طرق فطام الطفل
فلي عندها خبرة لا تبخل علي الله يجزااكن خير
للرفع
جربي العايديين الازرق و قصي علو ولدج و قولي له انه في صدرج يرح و خليه يطعم يمكن يكره
للرفع ..
حطي بصدرج مناكير أحمر وخرعيه قوليله تعورت ودم وجي وحده من الاهل سوت لولدها جي وخااف وانفطم
ارسمي على ضدرج عيون او اي شي بيخاف ربيعتي جربة هالظريقه والله يوفقج