كيف تكشخين بعد النفاس حق بو الشباب وتطيرين عقلة

انا اول وحده
خلال النفاس
اكلي وايد خفيف ومبتعدة عن العيش والمقالي والسمك
وايد اشرب سوائل عسب اتجنب الامساك واشرب الاشياء الحارة
عسب تنزل الاوساخ من الرحم
والرضاعه اهم شي لانها تساعد الرحم للرجوع الى وضعه الطبيعي
باالنسبة للرياضة امشي في البيت بس مب وايد
اربط بطني بالمشد الاندونيسي والصراحه وايد فادني وحطيت حصاية
اقعد في ماي حار مع الملح مرتين في اليوم
اسبح بشور جل معطر ( فراولة _ اللوتس _ الليمون _كركم )
بعد السباحه ادهن جسمي بكريمات مرطبة مثل دوف وبابايا لانه يساعد عالتبييض
استعمل مقشر المشمش للمناطق الحساسه يوم وترك يوم
شعري اغسلة كل يومين وادهنه قبل الغسل لمدة ساعه او اني اسوي حمام زيت مرتين في الاسبوع

بعد النفاس

حمام مغربي بالاعشاب والزيوت
حمام زيت
قص الشعر وصبغه
ترتيب الاضافر
حلاوة
مساج للجسم
فيشل للوجه
نظام غذائي للحفاظ على الوزن
شور جل وصوابين معطرة ومنعمه للجسم
سكراب للجسم بخلاصة اللوز من بودي شوب وايد فنان

وينكم حريم

ماشاءالله جدولج مررتب ^_^

انا أدور شرات هاي المواضيع لأني في الأربعين وأول مره وأبي أرد لريلي بشكل غيييييييييييرونيوووووووووووو

في فترة النفاس أهتم بنفسي عن طريق:
الاستحام اليومي بماي دافي وملح وأدهن جسمي بزيت زيتون لأنه واايد ينعم الجسم وخصوصا الريل من تحت وأحط كريمات ..
أسوي سنفره لجسمي
وأسبح بعد بصابون مغربي
وعقب بصابون مسك اوعود يعطي الجسم ريحة حلوة ..
أسوي حمام زيت لشعري ..
وعن الكرشه حطيت حصاية و مشد والحمدلله أنا ضعيفة والكرش خف وما بقى الا شوي ..
وأشرب أشياء حاره واهمها الرشوفه ..

وعقب ما اخلص من الأربعين :

بروح ان شالله أتحنا وعن خااطري بتحنا حنا عرايس عسب احس اني عروس ههههه
وبحف جسمي كامل (طبعا بروحي لان عندي واكس فالبيت) ..
وبسوي حمام مغربي ..
فيشل ..
بصبغ شعري وبقصه ..
وبروح أفصلي عبايات ومخاوير وبشتريلي قمصان نوم ..

وما بنسى بعلي فديته باخذله هديه صغنونه عسب يستاانس ^_^

هذا اللي افكر فيه للحين ..

ولي رجعه مع ردودكن وخبراتكن عسب نستفيييييد

منج نستفيد

تسلمين عالمرور