و بالعكس انا اعتبرهم شريحه منا و فينا بس نحرمو من شي معين
و الله ياخذ شي و يعطيج شي بداله
و يمكن سبحان الله الواحد يكون صاحي و ما فيه شي بحادث او شي بسيط يستوي معاق
و بعد على فكره انا اعرف وحده من اهلنا ماخذه واحد معاق الحمد لله و الله العظين انه طيب و حبوب الريال و النعم فيه و البنيه واي مرتاحه وياه
و يسوي الشغل اللي تطلبينه منه فنفس الوقت مب شرات باقي الرياييل بعدين و يوم ثاني و ىخر شي يطنشونج
الله يخليهم لبعض يارب
و نحن بنات يمكن نتقبل المعاقين اكثر بس لو اتقولين لولد صاحي خذ وحده معاقه يعني بالنسبه له نهاية الحياه
على العموم حلو موضوعج
و ان شاء الله كل معاقه او معاق يعرسون و يرتاحون فحياتهم يارب
في ناس معاقين جسديا قادرين يتقبلون الوضع ويتقألمون مع حالتهم وحامدين ربهم على ما بلاهم بس في ناس ما يعانون من شي واذا كلمتيهم تلاقينهم معاقين في معاملتهم في عقلهم في تصرفاتهم
الاعاقة الجسدية صدقيني ما اعتبرها اعاقة اعتبرها امتحان من رب العالمين
والحمد لله الدولة هب مقصرة مع ذوي الاحتياجات الخاصة في اي شي
واللي علينا احنا نساعدهم اننا ما ننظر لهم نظرة شفقة على انهم غير الناس لازم نعتبرهم مثلنا واحسن منا بعد
لان في ناس معاقين يعطون اكثر من ناس سليمين وما فيهم شي
خلونا نختلط بهم نعاشرهم نصاحبهم ونقرب منهم كأنهم ناس ما فيهم شي
هذا رأيي
وانا شخصيا اعرف ناس من ذوي الاحتياجات الخاصة بيعرسون جريب وما عندهم اية مشكلة
مثلهم مثل غيرهم
نساعدهم اننا ما نتخلى عنهم نكون جنبهم واي شي يبونه نوفره لهم
والباقي على رب العالمين ودام انهم قرروا يبنون اسرة صدقيني بيكونوا اقدر منا على تحمل الوضع كيف ما يكون
مثل ما الله خلق ناس اسوياء خلقهم هم بعد
ومب ذنبهم انهم انولدوا وفيهم اعاقة
والناس اللي تقول مثل هالكلام هذيلا اللي اقولج عنهم اللي سليمين وفيهم اعاقة في تفكريهم وعقليتهم
ولو الواحد يحط نفسه مكان الشخص ذو الااحتياجات الخاصة بيحس باللي هم يحسون به اذا حد قالهم مثل هالكلام ويبطل يقوله
الله يعينا على المتخلفين فكريا