كيكة البرتقال . من مطبخي

السلام عليكم ورحمة الله وبركاته

هلا والله بالحلوات

بعد عناء وتفكير من مدة طويييييلة قررت اعمل كيكة

قبل يومين شفت منال العالم كانت تسوي كيكة البرتقال وعجبتني

على طول ركضضضضضضضض جبت ورقة وقلم وكتبت ما يمليه علي ضميري

اقصد كتبت ما املته علينا من مقادير هع

طبعا الاسم اللي على الصور اسمي بمنتدى ثاني

:

المقادير :

3/4 كوب عصير برتقال
ملعقة كبيرة برش برتقال ( بس انا ماسويت هالخطوة المرة الجاية بسويها )
2 كوب دقيق
5 بيضات
رشة ملح
ملعقة كبيرة بيكنغ باودر
كوب سكر
كوب زيت قلي
ملعقة صغيرة فانيليا سائلة ( بس انا حطيت الفانيليا العادية )

مقادير الصوص :

4 ملاعق سكر نااااعم ( مطحون )
ملعقتين عصير برتقال
نقطتين فانيليا ملونة ( برتقالية )

الطريقة :

نحط السكر والبيض والفانيليا ورشششة ملح بالخلاط ونخفقهم بسرعه متوسطة حتى يصير لونهم فاتح

لما يصير لون الخليط فاتح نضيف عصير البرتقال والزيت ونخلطهم شوي

ننخل الطحين مع البيكنغ باودر ونضيفهم للخليط ونضيف معاهم برش البرتقال ونخليهم على سرعة بطيئة ينخلطوا شوي

ندهن الصينية بشوية زيت .. او نحط فيه ورق زبدة ونصب الخليط <<< نسيت اصور هالخطوة

قبل لا نحط الصينية بالفرن نكون محمينه …. نحط الصينية ونخلي الحرارة 180 لمدة نص ساعه او اقل شوي … وبعدين نطفي اللي تحت ونشغل النار اللي فوق 5 دقايق عشان يتحمر الوجه

كيكتي بعد ماطلعتها من الفرن ^_^

تراها مو محرووووقة لوووول بس شوي اللون صار غامق لاني خليتها زيادة بالفرن

هلا صار دور الصوص

نخلط السكر وعصير البرتقال حتى يصيروا مزيج سميك نوعا ما

نحط نقطتين فانليا برتقالية عشان يعطينا لون برتقالي

وانا حطيت نقطة من اللون الاحمر معاهم عشان يصير اللون اغمق شوي
بعدين نرشه على الوجه بالملعقة

ونجيب السويت الملون ونرشه فوقه

وخلاص صارت الكيكة جاهزة

وبالهنا والعافية

تسلمين الغاليه

تسلم ايدج

وتسلمين ع الطريقه

توى مطلعه مقادير كيكة البرتقال بس غير شوي

بخلص وبحطها لكن ان شاء الله

الله يسلمك حبيبتي

الله يسلمك حبوبة ومشكورة على التواصل

هلا حبيبتي
بانتظار كيكتك ^_^