كيكه بالشكولاته والصوص لذيييذه من يد هتونه صدقوني لا تقاوم

سلااام

امممممم..

اليوم كنت بروحي بالبيت مع عيالي الله يحفظهم بعدين جتني اختي قلت خليني اسوي كيكه بالشوكلاته كل

من ذاقها تخبل ويسألني عن طريقتها عاد انا اتغلى ولا اعلمهم إلا بطلووع اروحهم اقعد اقول لهم حتى

لو قلت لكم الطريقه مستحيل تضبطونها مثلي وعاد من ها الكلام اللي يرفع الضغط بعدين اعطيهم

الطريقه بس بعد ما يكونوا كرهوا الكيكه واللي سوت الكيكه وصاروا كذا المهم ما اطول

عليكم يالغاليات …

بس جد الكيكه حلووه وتبيض وجهك قدام الضيوف عاد انا ما ادري اخاف اني امدح وامدح وبعدين

تطلعون عارفينها ههههههههه شسوي بعدين وين اودي نكي منكم عاد طبعا شكلي ما تعرفونه علشان

كذا ماراح اقول لكم وجهي وين اوديه اكيد اللحين كرهتوني زود وتقولون هاتي الطريقه وبس….

يلا لا تعصبون هذي الطريقه…

كأس سكر

كأس زيت

كأس ماء

4 ملاعق شوكلاته

4 ملاعق حليب بودره

تخلطينهم مع بعض بالخلاط وبعد ما تتجانس تأخذين الخليط وتصبين بالكأس الى ثلاث ارباعه

وتخلينه على جنب بعدين تأخذين 2 بيض وتحطينه على باقي الخليط اللي بالخلاط وشوية فانيلا

وتخلطينهم مع المتبقي من الخليط وتحطينهم في زبديه وتحطين كأس دقيق وملعقة بيكم بودر

وتخلطينهم لغاية ما يتجانس الخليط. وبعدين صبي ها الخليط في صينيه ودخليه الفرن لغاية ما يستوي

الكيك وبعدين طلعيه وحطي عليه الخليط اللي خليتيه على جنب وخليه لغاية ما يبرد وقدميه مع القهوه

رووعه.. وبالعافيه على قلوبكم

عاد انا ما صورته بس دوت لكم صورته في النت وحصلته وهذي صورته يعني تعبت في الكتابه فقط

الصوره واحده من الاخوات مسويه الكيكه ومنزله صورتها وهذي هي الصوره ..

وبالتوفيق والسموحه منكم على الاطاله

اختكم…

هتون الامل

.. يعطييييييج العافيه ..

واووووو
كله ولا الحلو اموت عليه …….
مشكورة الغالية ……..
بجربها وبقولج…..

يعطيج العافية عالكيكة وفعلا لذيذة انا مجربتنها

تسلمين الغلا

حبوبه تسلم ايدج شكلها روووووووووووووعة .
بس سؤال هذه الكيكة بدون طحين ولا نسيتي تكتبين مقدار الطحين .
او انج ما تبين أحد منا تضبطها.
قولي الصراحة هههههههههههههه.
وشكرا لج.

حبيتي آسفة………….. بس الصراحة ما لاحظت انج كاتبة كأس طحين تحت .
يمكن ركزت على المقادير اللي فوق اكررررررر أسفي مرة ثانية .