كيفكم خواتي
أنا حبيت أقولكم عن تجربة أو مو تجربة بل هي حقيقة نتيجة أصرار و صبر وحسن ظن بالله
السالفة أني من زمان بخاطري أنتظم بقيام ليل بس مو قادرة عشان الدوام و غيره
ومن رمضان هالسنة الحمد لله يومياً أدعي بكل وقت بالصيغة
( ربي أيقظني في أحب الأوقات إليك كي أسبحك كثيراً و أذكرك كثيرا )
يعني بالسجود بوقت السحر آخر ساعة من الجمعة بين الآذان و الأقامة
لاحظوا هذا بشهر رمضان هالسنة بس
وسبحان الله من بعد رمضان صرت أقوم الليل
يعني مرات أنام الساعة 11 بالليل و أكون ميته تعب يعني اللي يشوفني يقول ماراح تقوم
إلا مع الفجر لكن سبحان الله صرت أقوم الساعة 1
يعني تخيلوا انام ساعتين وأقوم مع أني اضبط المنبة ع الساعة 3 لكن سبحان الله
أقوم من نفسي
فالحمد لله أن ربي استجاب دعوتي و صرت أقوم اللي
وربي يديم علي هالنعمة و الراحة اللي أحسها و أنا أقوم الليل
ولذة الدعاء بهالوقت فالحمد لله
الله يبلغنا قيام الليل انا قبل وايد كنت اصلي قيام الليل بس الحين من تعب الدوام والعيازة ودرت هالعادة-لاحول ولا قوة الا بالله- الله يهديني -وارجع شرات قبل-
المشاركة الأصلية كتبت بواسطة ظبية النت 
الله يبلغنا قيام الليل انا قبل وايد كنت اصلي قيام الليل بس الحين من تعب الدوام والعيازة ودرت هالعادة-لاحول ولا قوة الا بالله- الله يهديني -وارجع شرات قبل-
آمين
قد ماتقدرين كثري من هالدعاء وخاصة في السجود
و استغفري بنية أن الله يعينج ع قيام الليل
و بإذن الله بتشوفين التسهيل
و مابتحسين بتعب و أرهاق
الله يبلغنا قيام الليل
انا صارت لي فتره اتكاسل اقوم ,, وحسيت وقتها اني بجد ضايعه ,,
رديت وضبطت كل شيء ,, والحمد لله دايمـا اردد الادعيه ,,
والحمد لله بدون منبه اقعد واصلي وارجع انام واقعد مره 2 للفيـر
حتى مرات انا اصحــي اهلي حتى لو كان عندي عذر شرعي ,,
الله يثبتني وايــاكم ع القيام والصلاه
..
حسبنا الله سيأتينا الله من فضله ان الى الله راغبون =)