لا حبوب ولا سواد بعد الحلاوه

شخباركن خواتي .. وشو علومكن… موضوعي اليوم من عنوانه مبين لا حبوب ولا سواد بعد الحلاوه .. قصدي افتكي من الحبوب بعد ماتشلين بالحلاوه ولا تخلين المناطق الحساسه تزداد سواد… طبعا مثل ماتعرفون ان اختكم هنوده تتعالج بعياده الجلديه …وحبيت افيدكم اليوم عن تجربه بصراحه … انا كنت اعاني من ظهور حبوب بعد مااشل بالحلاوه في المناطق الحساسه… والمنطقه عندي تلتهب فمن المنطقه تلتهب تعرفون شو يصيير .. .يزيد السواد …. والله يهديني كنت استخدم ديودرنت معطر وكانت تزيد وتزيد حبوب وسواد … طبعا بعدين وانا توني باديه اتعالج جلديه غير عن ويهي .. بعد المناطق الحساسه .. الدكتوره وصفتلي فيوسيدين اج.. هاي صوره الدواء

طريقه استخدامه

كنت استخدمه بالبدايه مرتين في اليوم … واكثر لما اشل بالحلاوه.. يعني ثلاث مرات على مدى يومين … عشان امنع ان المنطقه تلتهب وتحبب.. وبالفعل حسيت بان المناطق الحساسه صارت عندي احسن من بعد استخدام هالمرهم الحبوب قلت ماقامت تطلع لي حبوب وما قامت المناطق الحساسه عندي كل مااشل تحسس وتسود زياده ..انا استخدمته لمده اربع شهور وللحين بعدي استخدمه مثل ما وصفتلي حاليا الدكتوره اي الحمدلله مااحتاج استخدمه يوميا لان المنطقه صارت اوكي عندي بس استخدمه يوم اشل بالحلاوه على مدى يومين عشان امنع الالتهاب للمنطقه الحساسه … والشيء الثاني الي بخبركم بنتيجته بس مو الحين ان وصفتلي دوى اخذته من الصيدليه اليوم عشان يفتح المناطق الحساسه وبنشوف النتيجه وبخبركم ان شاء الله بعد شهر او شهرين ^___^

الشيء الثاني الي بغيت اقولكم اياه اني غيرت الديودرنت الي استخدمه حاليا من المعطر الي الغير معطر ومن الحليب .. حاليا استخدم نيفيا الجاف .. ووواااااايد نافعني لا ريحه ولا احس بوجود ساءل مزيل العرق ولا اي شيء جفاف ونعومه ونظافه ولا حبوب ولا اعاني من اي شيء الحمدلله وهاي صورته

حبيت انا الكل يستفيد من تجربتي ….ولا تنسون تدعون لي ان الله يحقق الي ببالي دوووم ^___^

والسموحه منكم