بدش فالموضوع سيده انا حاليا حامل فالشهر ال6 و كان فيه زجام و الحين على اخره بس المشكله انه من 3 ايام تيني حمى تنفظ عظام نفااااظ ما روم اوقف و فجوجي يصفقن سرت البارحه عياده خاصه و سولي تحاليل و قالت عندي فقر دم و دمي 11 وسوتلي تيفزون و قالت البيبي بخير يغير الحراره الزايده تضره و قالت بعد عندي التهاب فالبلاعيم و الذنين و عطوني مغذي ينزل الحراره و عطتني بعد حبوب مضاد حيوي و اليوم ردت بي نفس الحاله حمى تنفظني نفااظ ووصلتني امي المستشفى و سوو نفس الاجرات الي سوتها العياده الخاصه بس الحراره اليوم 39 و عطوني مغذييين
بغيت اتخبركن اذا تعرفن اعشاب او شي من البيت ينزل الحراره لا تقولن الكمادات لني يوم احمى اتم بردددددااااانه و ما اتحمل ابرد زياده
اسفه اذا طولت عليكن
الله يشفيج
اسال الله العظيم رب العرش العظيم ان يشفيج واتكونين انتي والبيبي بصحه وعافيه
الله يشافيج انشالله حبيبتي
يزاكن الله خير مشكووووورات على المرور الطيب و الدعوه الحلوه
اسال الله رب العرش العظيم ان يشفيج.
عليج بالماي والعسل (منزوع الرغوه) للي عندهم ربوا يكون اخف عن العادي وما يضر الحامل وكثري سوال (شوربات مع فلفل اسود- عصير ليمون وبرتقال).
فيه مسكنات عادي الحامل تاخذهن مثل البندول او الانلفا عن الحمى ( اسالي دكتورج عنهن) لان نحن عطونا اياهن وقت الحمل … بعدين لازم حرارتج ما تتخطا 38.5واذا ارتفعت لازم تتسبحين بس لاتغسلين شعرج….. والله يعافيج ويشفيج…..