خواتي اشحالكم يارب تكونون بخير وسعادة في الدنيا والآخرة يارب .
حبيت أستفسر بارك الله فيكم .. وخاصة للي جربت يكون أحسن 
1) منو منكم جربت ريجيم ونزلت بشكل كبير ماشاء الله بدون ما يأثر على صحتها او يسبب لها نقص في فيتامين معين او غيره ؟؟ وممكن تخبرنا كيف ؟
2) منو جربت أمور طبيعية تشربها او تاكلها وحست ان وزنها نقص ماشاء الله .
جزاكم الله خير .. والسموحة .. ونبا نصايحكم
الي يعرف ريجيم اوكي يخبرنا
ترى الرياضه اهم شي
وانصحج تنظمين ويا قروب عسب تتشجعين
والله يوفقج
انا بقولج عن تجربتي و يا الرجيم ،،
الله يسلمج انا بديت مع قروب بنت خالتي ( ام راشد ) هنيه ف المنتدى ،، كان اسم الموضوع من الستينات إلى الخمسينات ،، المهم لما بديت ويااهم كان وزني 69 و طولي 161 يعني مب متينه بس مربربه خخخخ ، طبعا انا من النوع اللي إرادته ضعيفه و ما أقاوم الاكل و حتى لما دخلت القروب ماا كنت متوقعه اني انزل ،، رجيمي كان ف البدايه تخفيف بس طبعا ما آكل عيش و معكرونه ( الاكلات الدسمة يعني ) و يوم اليمعه يكون يوم مفتوح ،، بما إني كنت اكتب يومياتي كل يوم و البنات يشجعن بعض الحمدلله قدرت ألتزم و بدون ما احس إرداتي مع الوقت صارت قووية ،، يعني انا ما كنت اتوقع اني في يوم من الايام ممكن اقاوم الاكل و أقول لا مابا يوم اليمعه باكل ع راحتي !! استمريت ع الرجيم و الرياااضة طبعاا من شهر 4 لين رمضان ،، و الحمدلله نزلت اكثر عن 10 كيلو يعني وصلت 58و شي
بس للاسف ف رمضان ما قدرت أقاوم الاكل ،، لان يمعه الاهل ع الاكل ما قدرت افوتها ،، للأســــــــــــ
ــــــف رديت نص اللي نزلته !! و الحين ناااوية أرد للرجيم عسب أدخل الخمسينات مرة ثانية و أوصل هدفي اللي هو 52
>> ما صدقت البنت قالت كل قصه حياتها خخخ
ادعولي بليـــــــــــــــــــز
باختصار التخفيف ف البدايه ،، و مع الوقت بتتعودين تاكلين اكل صحي بس و اهم شي الرياضة عسب تشدين جسمج !!! و عندج يوم اليمعه اكلي فيه اللي تبينه !!! اتمنى اكون افدتج
و السمـــــــــــوحة طولت عليكم