للطبيخات استخدامات حليب جوز الهند

حبيباتي الطبيخات

بشو تطبخون حليب جوز الهند .. عندي منه ومب عارفة شو اسوي فيه

فقلت مال غير بنات المنتدى هم اللي بيساعدوني

وهذي صورته للي ما يعرفونه

يللا اسدحوا لنا تجاربكم

يوم اسوي برياني دياي عوض الماي احط حليب جوز الهند مع روب وجوزهند مبشور يطلع رووووووعة طبعا الطريقة العادية دياي مبهر بزار مخلوط وتوابل دياي وعقب ينقلى في زيت غزير وبطاط مقطع مربعات ومقلي في زيت
في جدر تحطين غارام ماسالا حبوب هيل قرنفل وقرفة وورق غار وياسمن تطلع ريحة بعدين بصل زنجبيل وثوم مهروسين وطماط توابل فلفل اسود كركم فلفل احمر حلو سنوت بزار عربي انا حط بعد توابل برياني وغرام ماسالا مطحون وشوي كاري تحطين دياي مقلي وعقب روب وجوز هند مبشور منقع في موية حارة وحليب جوز الهند لين ينشف تكون صالونة غليضة تشغلين العيش عقب تحطين فوق الدياي مادري اذا نسيت شي

وعندج بعد روبيان اسويه بحليب جوز الهند وياحبوب الخردل احط روبيان في طاوة بدون زيت لين يطلع الماي واشيله واخذ جدر احط سمن وبصل وطمام معلبة طمام حب وتوابل السمك وربيان

صالونه هندي

مشكورة اختي عالوصفات

ان شاء الله بطبقها

لو تكتبيلنا الطريقة بيكون شاكرة لج

ومشكوووووورة عالرد

بالتوفيق ومنكم نستفيد

سوي صالونه دياي بالزبدة وضيفي عليها الحليب يعطي طعم حلو