لا تحسبين العرس توفـي وكتكـات ….
ولا تحسبينـه تويـكـس وإلا بونـتـي
ولا تحسبين العرس كيكة وطرطـات ….
وصلـة قطعتيهـا ووصـلـة بلعـتـي
ولاتحسبين العرس تصفيق وأصوات ….
وأنت علـى صـوت الغطاريـف همتـي
ولاتحسبين العرس كوشـة ولمبـات….
وأنـت كمـا الطـاووس فيهـا جلستـي
ولاتحسبين العرس أحلام في الشات ….
يـامـا بنيتيـهـا ويـامـا هـدمـتـي
ولا تحسبين العرس روحة وجيـات ….
هيـا اقضبـي بيتـك عسـى مانهبلتـي
ليلة سعيدة وأنت أحلـى الجميـلات ….
تشخـص عيـون النـاس إذا حضرتـي
( واللاينر ) حطيـه بــلا زيــادات ..
لا يـخـرب المكـيـاج إذا دمـعـتـي
( والمسكرة ) تحتاج لطـف ومـدارات ..
حتـى يـبـان الـزيـن إذا رمشـتـي
( والاسبريه ) رشيه حتى البصيـلات ..
يمسك شعـرك زيـن لـو كـان زدتـي
وترى ( المحدد ) فن يحتـاج رسمـات
يبـان رسمـه زيــن إذا ابتسمـتـي
العـرس يابنيـة ماهـو شعـارات ….
تفنـى مراسيـمـه وتبقـيـن إنـتـي
ويبقى شريك العمر راعي الطويلات ….
هـذا هـو العـرس حقيقـه عرفـتـي؟
أول نصيحة لـك حفـظ الصلـوات ….
صلي العشـا والفجـر فـي كـل وقـتِ
وفي ليلة العرس الموفـق بالـذات ….
ادعـــي الـكـريـم إذا سـجـدتـي
والتعري لاترضين عند الكوفيـرات ….
ولبسـك يملـى العـيـن اذا لبسـتـي
واللي على زوجك تحرضك مـرات ….
أرجـوك شوتيهـا شـوتـت بلنـتـي
والصبر في العشرة حتى على فتات ….
ياماحـلا فعلـتـك يـومـك صبـرتـي
وإذا حفظت السـر مـع المـدارات ….
زوجـك تـرى فـي عيونـه كبـرتـي
والسوق يعني هاه وقت الضرورات ….
وإلاتـرى زوجــك يــدور لمفـتـي
زيدي الغطاية وكثري في العبايـات ….
والله يـرضـى عـنـك إذا ستـرتـي
أوصيك بالكبسـة وكثـر اليدامـات ….
حتـى لو إنـك مـن سببـهـا متنـتـي
وخلي الرجيم إللي فشلتي فيه مرات ….
سـويـه مــرة واحــدة لا ولـدتـي
وسلامتكم
منقول
وخلي الرجيم إللي فشلتي فيه مرات ….
سـويـه مــرة واحــدة لا ولـدتـي
حلوه