لو كنتى تحبين عمرج ما سويتي هالشي!! الجزء الخامس

سامحونى اذا طولت عليكم وثقلت عليكم بالاجزاء بس هدفي هو النصح والله ….واشكر كل وحده علقت على الموضوع….وشجعتنى…

ودي اعرف ليش فيه مقوله تتردد بين البنات انه البنت الى تلعب وسمعتها مو زينه هي الى تتزوج؟؟؟؟ ولا صاروا بنات يرددون بنلعب دام هالشي بيب لنا ريل؟؟؟

استغرب من بعض الحريم الى يشتكون من ازواجهم وترضى بالاهانه والضرب بس عشان ما تحمل لقب مطلقه وين كرامتج؟ لا تقولين هلي بيمانعون لا تقولين ما عندى مكان اسير له يا اختى انتى لج كرامه ودام انج سكتى عالاهانه والضرب معناه انه ريلج عمره ما راح يحترمج صبري على عصبيته صبري على حالته الماديه بس مو على الاهانه والضرب وحجة انه بيتغير!!!!

ودي اعرف ليش فيه بنات يحسدون الغير حتى لدرجة تحسد اختها وممكن تخرب عليها ليش ؟؟؟ لازم تعرفين شي واحد انه كل واحد ياخذ نصيبه!!!

ليش الحريم يلجأون للسحر ؟ بس عشان تسحر ريلها او تسحر واحد عسب يتزوجها او او او
ليييييييييييييييييش؟؟؟؟؟

ليش الخقه والغرور وليش تحسين انه محد قدج عسب انج ماخذه هامور او ابوج فلان الفلان؟؟؟ ترى كلنا من تراب ياما بنات ما تطيقين تقعدين معهم بسبب غرورهم استغفر الله

ليش فيه بنات ياما يسمعوا قصص عن الشباب وانهم مخاديع وفوق هذا كله تقول لا حبيبي غير مع انه كل وحده بطلة قصه غراميه انتهت بالدمار كانت تقول هالكلمه حبيبي غيييييييييير!!!!

ليش يا حرمه دام الله انعم عليج بريل تسيرين وتخونين ليييييييييييييييييييييش؟؟؟؟

شو القيمه الى بتحصليها غير انج بتخسرين سمعتج وانه الله بيكشفج قدام الكل وانتى تصورين البنات في الاعراس وتنشرينها ولا الى يمتهنوا مهنة اغواء البنات ويعرفونهم على شباب مقابل الفلوس لييييييييييييييييييييييييييش؟

ترى نصيحه للبنات الى يلعبون ولا الى مسكينه وتثق في حبيبها في موضه جديده نازله عندهم وهو يحطون قطرات من سائل او دوا وهو يثير الغريزه عند البنت ….لا تشربين اى عصير مفتوحه…هههههههههه ترى لا تقولون انى اشجع البنات …..

يا امى عرفنا انه زين انج تصادقين بناتج بس مو لدرجة انه عادى عندج بناتج يشيشون قدامج او يحكون لج قصصهم الغراميه السابقه على اساس انتهت!!!!!

يا امى خلص تعبنا من كلمتج الى هي لما تعرسين سوي الى تبينه ممنوع الميك اب ممنوع الطلعات ممنوع الصديقات ممنوع البنيه تلبس غير الجلابيه وممنوع البنت حتى تتطالع افلام او تتكلم حتى بتلفون البيت او تكمل دراستها سوي هذا كله بعد العرس!!!!! مسكين الريل شو بيتحمل

استغرب من تصرفات الحريم والى هي تمسك ريلها بالمول لما تشوف البنات او تتطالع البنات من تحت لا فوق تخيلوا هذا موقف صار لوحده اعرفها شخصيا تقول والله انى ماشيه لحالى ولا تطلع لي وحده تصارخ وانتى ليش تطالعين ريلي وليش وليش؟ تقول انا مصدومه وريلها من الفشله منخش ورا الثياب في المحل لييييييييييييييييييييييييش تقول والله انى ما انتبهت له ولا شفته….

تصدقون انه انصدمت لما عرفت انه في بنات يشربون(….) والمصيبه اعمارهم من 14 الى 17 سنه بعد يشربون ولا ويكون داخل شنطتهم بعد ومحد من هلها يدري والمصيبه الاهل ما شاء الله متشددين

لا تعلييييييييييييييييييييييييييييييييييييق…..

وفيه وفيه وفيه اشياء تشيب الراس
اكمل؟؟؟؟؟

بارك الله فيج استمري بطرح مثل هاي المواضيع
وإلى الامام.~

سلااااام

المشاركة الأصلية كتبت بواسطة اسمهايت

استغرب من تصرفات الحريم والى هي تمسك ريلها بالمول لما تشوف البنات او تتطالع البنات من تحت لا فوق تخيلوا هذا موقف صار لوحده اعرفها شخصيا تقول والله انى ماشيه لحالى ولا تطلع لي وحده تصارخ وانتى ليش تطالعين ريلي وليش وليش؟ تقول انا مصدومه وريلها من الفشله منخش ورا الثياب في المحل لييييييييييييييييييييييييش تقول والله انى ما انتبهت له ولا شفته….

صدقج والله .. بس لا تلومين الحريم .. في بنات استغفر الله يشوفون الريال ويا حرمته وعياله وبعد ما تحشم ونظرات وحركات.. لين ما تعقدوا الحريم ويتهم فوبيا

واكيد كملي حبيبتي .. ^^

مواضيعج ولا احلى

تسلم ايدج