ليش الناس ماتفرق بين جد و مصخره

هلا

انا مضااايجه واااايد

انصدمت من عموومتي

بقولكم القصه من اولهاا

انا و عمومتي علاقتنا وايد اوكي بس عقب العرس شوي بعدت عنهم
و يبت بيبي صغير و انشغلت طبعاا ع العيد اللي طاف تلاقينا قالو
انتي وايد تغيرتي ولا عدتي الاوليه ةمادري شو ماقمتي تمزحي ولا مقاالب
انا جي مصدومه قلت ماعلي ع الليل طرشت بروتكاست كمزحه اللي يحبني وايد بيعطيني عيديه رصيد انا ماعلي قصوور والله ريلي يصرف علي و كل شي
قبل كم يوم مرت عمي تقولي تراهم خذو فكره سيئه عنج وقالو ريلها مايعطيها فلوس و وايد كلام حسيتهن اهانوني و ماقدر اواجههن لانها حلفت لو يبت طاري مابطيح بيتي و بتفاطعني شو اسوي عشان اغير هالفكره مع العلم طاحو من عيني
ودي اطرش بروتكاست علئ انه انا عزيزه و هب قاصرني شي

ساعدووووني والله كل ماذكر ايلس اصيح ،،

ربي يكون ف عونج

السالفة عاديه بس اهم كبروها طنج الموضوع ما يستاهل ولا سوي سالفة لكلامهم اخر شي بيعرفوا انج تمزحين

السالفه عادي وانا مره طرشت للسته هالبرودكاست

يعني عاادي مافيها شي هم يتريون عليج الزله

حاولي قد ماتقدرين تطرشين برودكاست فرح

كتبي اي كلام حلو اهداء لريييلج
اشكري ريلج انه يابلج شي وجي يعني جدامهم فالبرودكاست طرش مثلا فدييت بو فلان يابلي جي وجي

يعني عسب يغيرون النظرره وبس

هالبي بي يوم دخل حياة الناس خربها
الحمدلله ما عندي المهم ..
طرشي اللي يبى رصيد يكتب واحد هههههههههههه
بيعرفون تتمصخرين مرة تطلبين ومرة توزعين
ونصيحة لا تكتبين شي خير شر عن حياتج في البي بي لا يزعل ولا يفرح
طرشي ادعية ونكت واشياء جي عادية مالها دخل بحياتج أحسن..

تقبلي مروري
والله يوفق الجميع ويستر عليهم

السالفه ما تستاهل وشكلهم الصراحه يدوروا الزله علييج .. عادي طنشي وهاي السوالف واايد تصير.. اهم شي انتي عارفه قدر ريلج عندج ..

لا تكتبي بيحسدونج
ولا بيعطوج بعين