ونسوا انه الشرع قال كلكم راع ومسؤل عن رعيته
دام الشرع حلل التعدد عليك انك تساوي في واجبات وحقوق زوجاتك وعيالك
مب تتزوج وتنسى انه وراك رعيه لهم حق عليك مثل مالك حق عليهم هم لهم حق عليك
ما يعرفون في الدين غير الشرع حلل اربع
ونسوا انه الشرع قال لطفا بالقوارير
مشاكل الحريم والبنات كلها في يد الرياييل
الحل كله في يد الرياييل لانه الحرمه مهما علت ومهما استقوت
تكون ضعيفه تحت ظل الريال وحمايته
مفهوم جوله اتغير
استوت الحرمه هي الريال والريال للاسف استوى ديايه
كم بنت وكم زوجه سوت الي ما يقدر الريال يسويه
ما يعرفون في الدين غير الشرع حلل اربع
ونسوا انه الشرع قال الرجال قوامون على النساء
للاسف حتى القوامه فهموها غلط فسروها على كيفهم
القوامه عندهم تكسير رؤوس وحرمان وياخذ راتبها ويصرف فيه على ملذاته وشهواته
ما يعرفون في الدين غير الشرع حلل اربع
يعتقد له الحق يعدد متى ما يبغي ويطلق متى ما يبغي
لانه فاهم وحاط في باله مثل ما خذها يقدر ياخذ عشره غيرها ويطلقهم في وقت واحد
وياخذ بدالهم اربع ثانيات
مفهوم التعدد فهموها على كيفهم وعلى حسب شهواتهم ونزواتهم ورغباتهم
ما يعرفون في الدين غير الشرع حلل اربع
الزواج يخليه ينسى امه واخواته واهل بيته ما يكلف على نفسه يحط مبلغ معين كل شهر في
ايد امه حججهم ماعندي ما عندي ما عندي
ونسوا انه الرسول صلى الله عليه وسلم قال امك امك امك
كل مشاكل المجتمع سببها الرياييل لانه الريال ما يكون حازم في الامور
وما يعرف يحلها ويعالجها لانه الرجوله ما صارت رجوله
يقولون لكل زمن دوله ورجال ولكل امه محنه ومنحه
يقولون المرأه هي الي تنجب الرجال هل المرأه اصبحت تنجب اقزام ونساء فقط
هل تربية الاولاد استوت مثل تربية البنات يعني الام تربي ولدها على الدلع والاتكاليه المفرطه
نتج لنا رجال بالشكل فقط
مايعرفون في الدين غير هااي الكلمه
وموحافظين غير هاي الآيه مثنى وثلاث ورباع بس أساليهم عن التكمله مابيعرفون يقولون
((فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }}
ولو قرينا التكلمة نلقى الحل
بس للأسف
كلن يقرا الجملة لين الكلمة اللي تعجبه ويترك الباقي
وهذا اللي صاير في هالزمن
الله كريم
يعني مهما الحرمه سوت وسوت بس بعد الدعااء يرد القضااء
والحيياه الاسرية المرتبه ع اسس الدين والعادات هي الي بتمشي صح
والله يعطييييج العافيه ع هالموضوع
واكييد الواحد قبل لا يعدد يفكر انا الله يطالعه ف كل صغييره وكبييره
بس نحن نشووف الغيير يعرس الثانيه ويحرم الاولي كل شي هي وعيالهاا لا شوفه لا مصروف لا حناان
ويتججون بانهم مالوو من عيشتهم الاولييه
ونسى اناا راح يكون شقه ماائل يوم القيامه
الله المستعان
