السلام عليكم ورحمة الله وبركاته
اول مره اكتب في هالقسم
خواتي من فتره وانا اقرا في مواضيع قسم الحمل والولاده لفت انتباهي نصيحة وحده من الخوات
لصاحبة الموضوع عن عدم الاستحمام في فترة الحيض؟؟؟؟
وتبادر فباليه الف سؤال وسؤال مافهمت ووحده من الخوات يوم قرت اللي كتبته من تعجب يزاها الله
خير طرشتليه رساله وقالتليه دخلي قوقل وابحثي عن موانع استحمام المراه في فتره الحيض
وبصراحه دورت بس مالقيت او يمكن ماعرفت كيف ادور صح
خواتي يزاكن الله خير اللي عندها معلومه عن هالشي توصلها النا بطريقه صحيحه
لانيه اتسبح عادي فايام الدورة وحتى عادي اغسل شعريه فاول او ثاني او ثالث يوم لانه
سبحان الله يا اكون عرقت او مدهنه شعريه او محنيتنه فاضطر اغسله
طبعا من المعروف الحمدالله اعرف طريقة الاغتسال عن الحيض وكيفيتا
اتمنى الافاده يزاكن الله خير
يختي مافي دليل علمي أو شرعي على المنع من الإستحمام وقت الدورة .. دورت وحصت في كل المواقع ومالقيت دليل من السنة .. فالنظافة واجب حتى في أيام الدورة .. ونا أتسبح في اليوم الثالث منها لأني إذا اتسبحت في اليومين الأوليين راح يجيني إغماء من حرارة الماء ولأني بعد ضعيفونة وجسمي ما يتحمل الدورة وتعبها … وهذا إللي أعرفه .. وذا عند الخوات دليل من الشرع فلتتفضل علينا بيه .. لأني مالقيت .. ):
مشكورة ع المشاركه فديتج
ونتريا الباقي
شوفي احنى بالمغرب مانستحم بايام الدوة وايام النفاس بس شنو السبب ماعرف في الي يقول الرحم يكون مفتوح وسهل على البرد والمكروبات تدخل بس سبب شرعي او علمي ماعرف
أنا سمعت ان غسل الشعر في أيام الدوره يسبب سرطان في الراس
ليش وشو السبب ماادري
هذا والله يعلم
بس أنا من يومها مااغسل شعري في أيام الدوره << خفت بصراحه ,,مااصدق أسمع شي على طول تطبيق
ليش وشو السبب ماادري
هذا والله يعلم
بس أنا من يومها مااغسل شعري في أيام الدوره << خفت بصراحه ,,مااصدق أسمع شي على طول تطبيق
آنآ عن نفسي آحآول آخفف من آلسبآحة فآيآم آلدورة يعني آسبح بس مب كل يوم لآني سمعت آنهـ مب زين و يسبب آلسرطآن وآللهـ آعلم بس مآ يستوي عآد مول مآ نتسبح آسبووع كآآمل بنخييس خصوصآ آنهـ جونآآ موول مآ يسآآعد >.<
للرفع