عندي اليوم موضوع خاطري من فترة اتكلم فيه وماعرف كيف اطرحه لكن بتوكل على الله وبطرحه
طبعا كثير نلقا افكار رومانسيه في منتدانا والمنتديات الثانيه عن كيف تفاجئين زوجج وتسوين له حركة حلوة لتغيير الروتين الممل في الحياه الزوجيه
اللي لاحظته ان معظم هذي الحركات تكون بهالشكل
1- غيري الكفر
2- حطي شموع حمرا في كل مكان بالغرفة والحمام والممر …. إلخ
3- انثري بتلات ورود حمرا في كل مكان
4- زيني الحمام بشموع حمرا وورود وعبي البانيو وووو… إلخ
5- وممكن توصل مرات ان الخوات ينصحون السائله انها تغير من ديكور وأثاث البيت والستاير!!! وزين ماتخليهم حمر هم بعد!!!!!!
خواتي ليش كل هذا!!!!!!!!!!!! انا صراحة لما اقرى هالمواضيع اقول في نفسي (كم من الوقت مضى والحبيبه تجهز هذا كله!!! اللي ماعندها سيارة او دريول او زوجها مايخليها تطلع بروحها كيف توفر ورود و تغير الكفر ووو!!… ماتعبت المسكينه وانهد حيلها؟!!)
والاقوى عن هذا كله اذا دخل الزوج وما اعطى اي تعبير عن الفرحة باللي الزوجه المسكينه تمت تسويه وتعبت عليه طبعا هذا غير عن التعليقات الرجوليه اللي ترفع الضغط (اللي يقول تحضر جن واللي يقول ليكون الكهربا انقطعت وخلوها على الله )
صحيح حلو الوحده تسوي هالنوع من المفاجآت لريلها بين فتره وفتره بس عاد مب كل اسبوع
لاني اذكر اكثر عن مره شفت بنات يسألون كم مرة تسوين لريلج سبرايز وكانت ردود لبعض الخوات تقول انا كل اسبوع اسويله هالشي واللي كل شهر
عن نفسي كم 3 او 4 شهور مره ههههههههههه وبعد ما اغير كفرات ولا اكلف على عمري هههههههه
اكيد في وايد حريم مايقدرون يسوون هذا كله لسبب او لأخر واتوقع انهم يحسون بالاحباط لما يقرون هالمواضيع لانهم مايقدرون يسوون حق رياييلهم (انا كنت منهم)
ترى والله في وايد حركات تلفت نظر الزوج اكثر من هذي الحركات وتسعده وتحببه فيج وتكون بسيطه وماتحتاج هذا كله
يعني مثلا بدون سابق انذار وبدون اي تجهيزات ….. اذا شفتيه يجهز عمره يبي يدخل يتسبح ليش ماتتدلعين عليه وتقوليله انا اليوم بسبحك !!!!!!!!!! خاصه اذا كان الزوج يحب يهتم بنفسه وايد …. تقدرين تسويله سكراب لجسمه وتفركينه من الخاطر وتقوليله شووف كيف صرت ابيضاني ونظيف ههههه ترى بيستانس وايد على هالحركه وشبابنا هاليومين وايد قامو يحبون هالسوالف اكثر عن الحريم … او ممكن حتى يكون حمام عادي من غير فرك ههههه ينفع بعد بس اهم شي الحركات والدلع
مثال ثاني….. طيب شغلي شموع هالمره ههههههه اكيد عندج شموع فالغرفه ….. ولما يدخل الغرفه هالمره اسبقيه انتي وعلقي على عمرج وقولي (ابي احظر شياطين بس لما انت دخلت الشياطين كلها غابت ) ….. اكيد عاد هو بيستانس وبيحضنج طبعا انتي تقدرين ساعتها تسوين اي شي ثاني ….. ممكن مساج رومنسي او اي شي يخطر في بالج
وهذا مثال للي عندها عيال هههههه
اذا نومتي عيالج كلهم ودخلتي عند ريلج قوليله (الحمدلله نامو العيال بس باقي واحد مب طايع يقول مايبي ينام الا في حضنك) طبعا هو بيستغرب ويمكن ييعصب انتي علطول روحي ونامي فحضنه وقوليله شسوي اذا ما اتهنى برقادي الا في حضنك)
غالياتي
شو رايكم كل وحدة عندها فكرة حلوة بسيطه تحطها لنا عسب نستفيد ……. واللي ترد لازم تحط حركه عن البخل ههههههه اتريا حركاتكم الحلوة
تحياتي
اختكم
Love tear
.. بس انشالله حاطه ف بالي بعد العرس انشالله على خير
اول شي ماكثر من هالحركات حتى لو كنت عروس!!واول ايام كلها دلع بيننا
ماباه يتملل او يتعود ويستوي هالشي
روتيني عنده
ثانيا.. مشكوره عالموضوع الطيب الغلاااااااا
ونتريا ردود الحريمات ^,* 
امممم .. انا احب هالافكار وايد .. أنا علتي ما عندي ليسن .. وتوني خذته .. ويوم خذته .. يقولي ما بخليج اتسوقين الا وانا معاج .. يعني ما اروم اطلع واسوي شراتج .. وهو ما عنده وقت ابد .. فانا ايلس في البيت .. ملانة .. ما عندي شي غير .. ألبس واكشخ له .. واتم أرسم ع جسمي ,, بأي شي عاااااااااااادي عندي .. وأقص قدلتي .. أغير اشوي .. من شكلي .. صح يعصب .. بس يشوفني غيــــــــــر .. بس لحد الحسن ما اتجرأت اقص شعري .. بس مرة خليته يقص شعري من تحت ,, لوووووووووول .. وايد استانس .. ومرة خليته يحط لي منــــــــاكير .. ^________^ .. الله لا ايراويكم .. شو سوه .. والله يحفظنا جميع من كل شر .. واذا اتذكرت شي برد لكم ..
يالمعرسسسسسسسسات قووووووووووووووووولن حركاااااااااااااتكن فيييييييييدن غيركن انا والله لو كنت معرسه بفيدكن بكل شييييييييييييييي ما بستخبل علييييييييكن بشي