شحالكن حريم وبنيات وعياييز ومشرفات واداريات … عساكن بخيييرر …
عالعمووووووم مالكن بالطويله هههههههههههه
حبيت اعرض لكن تجربتي الخااااااااااااصه ويا هالماسك العجيب ومن اختراااعي احم احم …
على فكررره هب شرط اللي في ويها نمش المهم بروحه يصفي ويبيض البشره …
خواتي هذا المجهود مجهودي والصور نزلتها هب من عندي من النت …
وعلى فكره والله على ما اقوله شهيد صار ويهي روعه مثل البيبي فيس بياض وصااافي والكل يسالني شو السر وربيعتي كذالك استخدمت الماسك مده اسبوع متواصل ورعه بشرتها ومازلت تستخدمه والكل يسالها شو مسويه؟؟؟
وعلى فكره وانا منزله الموضوع والماسك في ويهي …
والله ياخواتي حبيت افيدكن بتجربتي الشخصيه وبصراحه استفدت ولو ماشفت النتيجه ايجابيه بالاساس مابتعب عمري وبكتب تجربتي …
عالعموم هذي الصور منزلتنها من النت لاني متعايزه انزل الصور من عندي خخخخخخخخخخ زين يوم كتبت الموضوع لاني ناويه اكتبه من اسبوع وكله اتعايز هههههههههه …
عالعموم المقادير سهله وموجوده في كل بيت …
حلبه وهذي صورتها (على فكره لازم تطحنينها مثل البودره)
وكركم الويه
والنشأ
.jpg)
ماي ورد
والعسل
وليمون
وطبعا روب
الطريقه:
ملعقتين(صغار) روب
وماي ورد ملعقتين(صغار)
ونص ليمونه وثلاث قطرات عسل والا على ماتبغين …
(تخلطين السوايل مع بعض)
وبعدين اضيفين النشا معلقه صغيره
وكركم ربع ملعقه او نص على حسب
وحلبه لازم تطحينين الحلبه واتصير مثل البودره وملعقه صغيره
واذا بغيتي انتي تحكمي بالمقادير بس اهم شي ايكون مثل القشطه لا غليظ ولارفيع …
وطبعا ايكون مثل الروب او القشطه الماسك وتحطينه في ويهج مدته نص ساعه او اكثر لين ماينشف …
وبعد ماتغسلين الماسك افضل صابونه البابايا روووعه وهذي صورتها …
وعليج بالماسك يوميا اذا تقدرين وتحملي الريحه هههههههههههه بس نتيجتها روعه …
عاد هب تستخدمنه يوومين واتقولن ماشي نتيجه اللي يبغي الشي لازم يصبر …
واخيرا وليس آخرا
دعوه بظهر الغيب حتى لو ماقدرتن اتردن على الموضوع ياخواااتي …
يارب يامستجاب الدعوات اللهم قلت وقولك حق ادعوني استجب لكم وإني أسالك يا ارحم الراحمين,ياودود ياودود ياذا العرش المجيد,يالطيف ياغفور يارحيم ياقادر ياوهاب يارزاق ياعظيم,اسالك وارجوك واتوسل اليك بعظيم سلطانك ان ترزق(ام مهره)صبيا كامل الخلق حسن الخلق دون نقص او زياده عاجلا غير آجل يا ارحم الراحمين انك لاتخلف الميعاد …
ربي لاتذرني فردا وانت خير الوارثين
والله يستجيبلج يارب
المشاركة الأصلية كتبت بواسطة نور حياتي 