ما ابي ينكتب لي في البطاقه متزوجه

اعتبروها فضفضه او افكار تدور في راسي و بما انكم قريبين مني واايد فحبيت افضفض لكم او نتناقش او سموة اللي يعيبكم
المهم بقول لكم انا ما اب اتزوج عسب ينكتب لي في البطاقه متزوجه ادري ما فهمتوا بوضح لكم اكثر بس بسالكم سؤال

انتوا ليش تزوجتوا ؟؟؟؟؟؟؟؟؟

اكيد بتقولون سؤال غبي تزوجنا لان كل الناس تتزوج و نبي نييب عيال و نكون اسرة وووووووووالخ

بالنسبه لي اناابي اتزوج علشان احصل الحب و الحنان ويكون زوجي الابو والاخو والحبيب و الصديق يعني لما احتاج افضفض القى الصديق اللي يسمعني ولما ابي الحنان القى الحبيب احس لي زوج يحميني و يخاف على و احس لي صدر حنون اقدر اشكيله و سند اطمن لما احط راسي على كتفه احس اني بامان و ما اخاف شي بالدنيا ويكوون مالي غيرة و لو حطولي اميه ريال ما يملى عيني غيييرة .

بس اللي مخوفني اني عمري 23 و خايفه اكبر في العمر و بعدين اجبر نفسي اتزوج اي واحد بس عسب ينكتب متزووجه حالي حال ملايين الحريم اللي متزوجه بالاسم فقط .
والله وايد خايفه من هالفكرة ما اعرف اذا فهمتوا على ولا لا يعني عسب اكون صريحه معاكم انا الحمدالله طول عمري ما سويت علاقات مع شباب و انتوا تعرفون البنت بطبيعتها ظعييفه و تدوور الحنان بس دوم اقول حق عمري اصبري ان شاء الله بتتزوجين الريال اللي يملى عيينج ويحببج بس اخاف هالحلم ما يتحقق و يروح عمري على الفاضي وان الانتظار ما يفيدني و مالقى هالشخص اللي اتمناة واللي يخوفني اكثر اني اذا تزوجت اي واحد و ما يعطيني الحب والحنان اخاف ان الشيطان يغريني وادور الحب برا البيت .

والله يا بنات خاطري احصل الحب بالحلاللللللل و خايفه من سالفه العرس لاني احس الزواج اهو بيحقق حلمي اوبيصدمني في احلام سنين فخايفه اقدم على هالخطوة ودوم خايفه من طاري العرس .

وهذا فضفضتي لكم ادري ان كلامي متلخبط بس خبرتكم عن الافكار اللي تدور في راسي و يااريت بنات اللي مرة بالهموقف تخبرني شو صار معاها.
و ياارب يا رحمان يا رحييم ترزق بنات المسلمين بالازواج الصالحيين اللي يفرحوونهم في دنيااهم ياارب

اسفه مابي احطمج .. أو أكرهج بالزواج … مب كل الرياييل نفس الشي
يمكن أنا منحوسه .. بس الحمد لله على كل حال

ووالله يعين الجميع

تذكري اختي ان مع العسر يسر وان الله مع الصابرين ربي يختبرج يشوف هل بتصبر او انه بتعترض
انا قبل رمضان كنت اتمنى اييني نصيبي قبل رمضان ومايا قلت اكيييييييييييييد خيره وقلت اتمنى العيد ايي وايي معاه النصيب وما يا وقلت اكيييييييييد خيره
انتي ماتعرفين شو ربج مخبي لج لكن تاكدي ان كل ماتاخر النصيب كل ما كان نصيبج احلى واحلى ويفوووووق تصورج وبترتاحين معاه ان شاء الله دنيا واخره
انا يتني حالات كأبه واخره ليله العيد بس يا في بالي ان مع العسر يسر
قومي الليل صلي القيام تضرعي لله عز وجل اكثري من الدعاء في السجود اكثري من الصدقه بنيه الله يسير لج امرج ادعي بين الصلاه والاقامه اخره ساعه من يوم الجمعه لاتيسين اقري كل يوم سوره يس للتيسير الامور
حاولي تحفظين قران تسيرين مراكز تنميه
اتمنى مااكون طولت عليج بس انا حاسه فيج وعشان جي قلت لج هالكلام
دعواتج