انا وااااااااايد حساسه من ناحية الاطفال بشكل عام……..يعني اذا اشوفهم يصيحون اصيح ولا اذا شفت ام تضرب ولدها احشرعمري في السالفه و اقولها ليش جي تسووين في اليهال و تحرج علي و تقولي انتي شلج
غير هذا كله يوم اسير قسم التطعيم اشل اليهال من امهاتهم و احاول اسكتهم بس في بعض الامهات يكرهون هالحركه فيني …… والله لا شعوريا من كثر حبي للأطفال
و مرات في مصلى السناتر اذا ضفت ياهل يصيح و امه تصلي اقطع صلاتي و اسكته لين الام تخلص …..و اذا كان يوعان روحي افتح الشنطه و اسويله حليب و بعد ردة فعل الام تكون سلبيه
و مره شفت ياهل عمره 5 سنين كان يصيح يبا دراجه من محل التعليم المبكر و ابوه ما كان يقدر يشتريله لان السعر 2500 اعتقد ولا اقل المهم رحت و شريتله… واستانست وايد يوم شفته يناقز ويضحك
و مره شفت بشكاره تضرب بنوته حلوه يمكن سنتين عمرها سرتلها و صرخت عليها و ترييت الام لين اتخلص التسوق والله ترييتها اكثر من 6 ساعات عسب اقولها عن البشكاره و بالأخير ردت علي الام وقالت بنتي روحها سباله اتأذي البشكاره
والله رديت عليها بكل ثقه و بدون خوف ( الله يهديج ويغفر لج ) وسرت عنها كانت تتحرطم بس ما سويتلها سالفه لان امهات جي انا اعتبرهم جهله ( فأذا خاطبك الجاهلون فقل سلاما )
^^
في ناس ترضى وناس ماترضى
اذكر مره كنت بالمستشفى بقسم الاطفال اتريا دور بنتي
وكانو قبلي اربع حريم مع عيلهم
يات وحده وقعدت ويانا ماكان عندها ياهل
واحد من اليهال بكى عمره تقريبا ست شهور صغيرون
راحت هالحرمه شلته من عند امه تبا تسكته
والله ام الولد نشت ونعشت ع الحرمه وماخلت عليها كلمه
اونه ليش شليتي ولدي وشو هالاسلوب ومادري شو
قالت لها الحرمه اونه تبا تساعدها وتسكت الياهل
ردت ام الياهل قالت يعني ولدي بيسكت عند حد غريب
والله الموقف صار قدامي وعوره قلبي الحرمه
امممم حبوبه انا اقصد ناس تتقبل وناس اعوذ بالله من ردت فعلهم
أنا مثلا لما اروح عند اختي… تصارخ و تعاقب عيالها لما يسون الغلط… واذا يصيحون أبدا ما أحاول اسكتهم… لان بجذيه راح احسس الطفل أني أنا اكثر حنونه من امه… يعني الام اللي تصارخ و تعاقب و الخاله اللي تسكت و تراضيهم…. أحاول أبدا ما أتدخل…. يمكن في بعض الحالات اكلم اختي بطريقه غير مباشره…
حاولي تتجاهلي شويه… او اذا بغيتي شي… استئذني من الام… يعني تسوين حليب؟؟؟ الصراحه قويه هذا… و مبالغه…
انتي تسوين كل هذا لان قلبج طيب… بس الطيبه الزايده تيب المشاكل مرات.
الطفل برئ فديته ما يعرف شي في الدنيا مب الضرب او الصراخ تحل مشاكله بالعكس ليش الاسلوب الحلووو ما تجربونه وتتبعونه
و بعدين سالفة اني سويتله حليب فديته كان يوعان والام مطنشتنه انزين الله ماقال جي اولا صراخه يزعج المصلين ثانيا هاي رحمه الله وهبنا اياها انا ما غلطت لاني شفت مكان شنطة الحليب و سويتله
انا عندي عيال و يوم عيالي يغلطون والله اقولهم ماما اذا ما سمعت الكلام بصيح هههههههههههههههههههههه و صدق اصيح و ما يسوون الغلط عقبها لان يعرفون اني اصيح هههههههههههههههههههههههههه والله ما اجذب