شحالكن بنات عساكن بخير وسلامه
بعد ما تشاورت ويا نفسي وايد وايد لاني كنت متردده اكتب ولا لا…اباكم تدعولي لان قصتي قصه..
ما اعرف من وين ابدى ولا اعرف شو اقول ؟؟ كل اللي اعرفه ان حزينه وايد وبنفس الوقت مؤمنه بالقدر وراضيه باللي الله كاتبلي اياه
بنات لو شو ما اكتب لكم ما بقدر اوصف لكم شعوري ولا ظنتي بيوصلكن اللي فخاطري من الم..
انا واايد مهمومه والشي اللي متعبني ومخليني الليل ما انامه ما اقدر اقوله لحد لان زوجي فديته موصيني
بنات اتمنى تقرو رسالتي وما تملون من شكاتي لاني احس بهاي الطريقه اقدر اطلع اللي فيني
انا اعرف ان فيه منكن بنات ماشا الله ماشا الله عاقلات الله يكملهن بعقولهن وبعد اعرف ان منكن بنات فيهن بركه وفي دعائهن بركه واستجابه
عشان جي انا اتمنى من كل بنت تقرى رسالتي تدعي لي دعوه خالصه من قلبها ان الله يفرج علي ويشفي ريلي
بنات انا تزوجت من سنه و6 شهور الحمد الله ما ابغي امدح وايد
بس انا وريلي متفاهمين وارتحنا لبعض ومخلصين لبعض لابعد درجه
حملت وكان وايد يداريني ويخاف علي من اي شي
وحتى مواعيدي في المستتشفى ينش ويايه من الصبح وما يقصر
مرت الشهور وربي رزقني بولد
زوجي فديته فرح وايد واااايد بالولد وحسيت الدنيا موشايلته من الوناسه
بس اللي صار والحمد الله ع كل حال
بعد فترة الاربعين
اللي هي تقريبا كانت من 10 شهور يعني ولدي الحينه فديته عمره 10 شهور
المهم بعد الاربعين رديت البيت رديت لريلي بس اكتشفت ان ريلي ضاع عني
كله مشاكل كله صريخ وضرايب
ما يمر يوم الا ونتضارب وعلى اتفه الاشيا
تحملت قلت يمكن تغير عليه الجو وقام يحس ان في شخص ثاني يشغلني عنه اللي هو ضنايه
تفرغت له وقمت اسويله كل اللي فخاطره
بنات مع كل الضرايب اللي كانت تستوي بس انا كنت على يقين انه يحبني احس ما ادري ليش بس قلت يمكن عنده ضروف
تحملت وتحملت
كبرت المشاكل واايد
وقام الوضع يزداد سووء
ما اعرف ليش بس للحين في داخلي احس بحبه احس انه يحبني بس يوم يزاعج علي احس مب من خاطره
بنات شو اقولكم انا وايد مجروحه
انضربت..
انذليت ..
كان يبى يطلقني وترجيته عشان ولدي يخليني
تخيلو يتضارب وياي
وانش الصبح الاقيه حاضنني بقوه
ما يتاسف لي بس يوم ارقد يحضني حسيت انه مش طبيعي
الحمد الله
صبرت
صبرت
وقبل يومين ريلي قاللي انه ربيعه دووم مريض فقرر انه ييب مطوع يقرى عليه
يابو المطوع يقرى على اربيعه بس بدال ما ربيعه يطيح
ريلي طاح وانصرع وكان يصيح ويصرخ
ويزوع دمم
حسبي الله ونعم الوكيل
حسبي الله ونعم الوكيل
ريلي طلع مسحوور واللي فيه اعوذ بالله من الشيطان الرجيم انثى مش ذكر
واللي سوا له السحر طرشها ويوم دخلت فيه حبته
بنات قبل يومين يوم ريلي رد البيت الله لا يراويكم كيف كان شكله
والله كان يزيغ عيونه وارمه وويهه كله بقع دم
ريلي ماشا الله واااايد حلو وسيم وسيم بمعنى الكلمه فيوم شفت ويهه جي بكيت بكيت بكيت
قلبي احترق عليه والله يابنات قلبي مفطوور عليه
ياربي تشفيه يارب
قاللي شفتي يا ام فلان هذا سبة مشاكلنا اتحمليني ترى انا اموت عليج
حضنته بقوه وتمنيت اني مت قبل لا اشوف ريلي بهالمنظر
تميت طوول الليل اصلي وادعيله
بس الحين اللي ابى اقوله ان الوضع عندي متدمر
بنات واايد يسبني ويضاربني ويهزبني جدام اهله
هوه معذور وانا مقدره وضعه
بس انا اتم خايفه ما ادري ليش
انا مؤمنه بالله وما اخاف من شي واحصن عمري وولدي بس يوم يي الليل ما اقدر ارقد عنده
ما اعرف ليش ويهه ماعاد حلو مثل قبل
عيونه الحلوه مب هاي اللي اشوفها الحين
كيف تنصحوني اتصرف وياه
اتقرب له اكثر ولا ابتعد عنه ؟؟؟
ادعولي محتاجه دعوه صادقه
ادعوولي ضرووفي صعبه والله ابى حد يحس فيني تعبانه
بس ايماني بالله اللي مقويني ومعيشني
الحمد الله
الله يشفيك يا زوجي الله يشفيك
ملاحظه : راعية النك نيم هاذا تنازلت لي به لانها ما تحدر لظروف خاصه…يعني هاذا النك صار لي انا
انزين ختيه ما عرفتو منو اللي مسوي جي السحر لريلج ؟؟
الله يشاافيه انشالله
انا نصيحتي لج خلي اهله يودوونه صوب مطووع يقرى عليه اذكاار الله ويرد لج ريلج بوعياالج ويلم الشمل من بينكم يا رب
سيري بيت اهلج ابتعدي عنه شويه صح انه محتاجنج بس انتي تقولين انج مب قادره تيلسين وياه وتخافين وتنضربين مب زين وانتي عندج ياهل ><
والبنات انشالله يسااعدوونج
ربي يهون عليج مصيبتج
لا اله الا الله معقوووله سحر جي يسوي والله خفت صج ><
ليش ما تودونه لمطوع
وتسمعونه الرقيه والبقره
حاولي ترقينه واذا خفتي خلي مطوع يشوفه لاتخلووونه جي
يارب الله يشفيه ويرده لج مثل اول واحسن
استحمليه وخلج معاه هو محتاجج
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
الله يشفي جميع مرضى المسلمين ,, ويبعد عنـا كيد الحاقدين
أختي الصدقـة تدفع البلاء ,, وقيام الليل دواء لكـل داء ..
ربي يحفظكم من كل شر
حرام تخلونه شذاك لازم توصلونه خبري هله خل يساعدونج
الله يصبرج قلبي عورني عليج
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
اسال الله العظيم رب العرش الكريم ان يشفيه
هالحال ماينسكت عنه لازم تسنعجلون وتجيبون مطوع ويقرا عليه لفترة بين ماربي يشفيه ويرد مثل الاول واحسن
الله يصبرج ويقويج اكثر واتذكري هذا ابو ولدج واوقفي وياه وربي يشفيه ان شاء الله
خبري حد من أهله ،، أبووه مثلا وخله اييبون له مطوع يقرأ عليه
وانتي دوووووم شغلي الرقية الشرعية
نزلي لج رقية عن السحر بصوت حد من القراء وشغليه من اللاب توب وعلي الصوووت
والله يشفيه ياررب