متى يعتمد الطفل على تفسه بالاكل واللبس لان عمر ولدي الان سنتين وشهرين صح ياكل بروحه ولكن على حسب الاكل اذا عيش ما يعرف لازم انا القمه واللحم والدياي نفس الشي لازم يخيس البيت لما ياكل اما قبل كان مرتب وكان يحاول ما يخيس الطاوله لما ياكل اما احين صار عند الاكل لعب بس ياكل لقمتي يبدا يفر الاكل على الارض وانا اتعب لما اتظف وراه وما يطيع القمه يبا ياكل بروحه وغير جي اللحم يحط القطعه بكبرها بحلجه وكم مره نشب واذا قطهتا له يصيح ويطلب قطعه يديده وكل شي صار يفره على الارض فطور غدا عشا والسناك وانا احين ظهري يعورني ما روم 4 او5 مرات امسح الارض شرات اول
وريلي قال لي خلاص لا تحطيله اكل لقمي واذا ما طاع لا تعطيه ويه خليه يصيح
شو رايكم
زالشي الثاني لين احين ما يعرف يفسخ ملابسه هل طبيعي ولا تاخر
وشكرا
وساعديه على الإعتماد على النفس
انج توفرين له الأشيا اللازمة ..
يعني مثلا HIGH CHAIR مناسب
صحون ملونة وأطقم خاصة به
كاس بلاستيك له غطاة
وسوي له لوحه للمكافآت
قوليل له اذا ما وسخت بأحط لك هابي فيس
واذا وسخت ساد فيس
ويوم بيحصل الهابي فيس كافئيه بشي يحبه
واذا كان ساد فيس راويه اياه وقولي له ما شي مكافأه لين المرة اليايه يحصل هابي فيس
وخبرينا بالنتيجة 
ان شاء الله حد يفيدج حبوبة ^^"
بيقعد يلعب فيها واصلا كابيتول يمسكها
لان نحنه قلم مانروم نمسكه صح لحد مادخلنا الروضه
واصلا انتي وايد استعيلتي عليه
هو بعده صغير
كان من الممكن تعدينه اشياء بسيطه يأكلها مثل البسكوت والفواكه وغيره
من رايي انج انتي تعطينه بروحج وخليه يلتهي مثلا شغلي له تلفزيون وحطيله براعم
اليهال يحبون براعم لان فيها حركات والالوان وموسيقى
واذا ماطاع يأكل
خليه يأكل لقمتين احسن بدال مايتم بيوعه
ويوم بتحطيله فالصحن لاتروينه الاكل
يعني حطيله الاكل فالصحن من دون مايشوف قطع اللحم
واذا عن اللبس علميه
انتي يوم تفصخين له الثياب رمسيه
وهو مع الايام بيفهم
بس بعد توه عليه لكن بشويش خطوه بخطوه