خواتي عضاوت مجتمع العصــــــــــــــــــاقيل
مرحبا والله
خشومكن
><
طبعا بكل فخر انا عصقوله الحال من بعضوووووووووو مثل ما يقولون
بمان انه نحن في سعي مستمر نحو زيادة الوزن
ونسابق الزمن قفز حوجز عشان نمتن … وما شي فايده
اليوم محسوبتكن عصقوله ام العصاقل يايبتلكن خلطه ترتووووبه
بس هاااااااااااااا من ألحينه اقولكن الشروط :
1. هوية انظمامج لمجتمع العصاقيل (امزح)
2. الجديه والإلتزام
3. الهمة والنيه على القضاء على ظاهرة العصقيل في الامارات
ما بطولن عليكن وايد
المكونات ( طبيعية 100%)
روحن يا حلوات المحمصه وأشترن
ربع كيلو فستق
ربع كيلو كاجو
ربع كيلو جوز
ربع كيلو لوز
كلهن بدون تحميص وغير مملحه يعني فررررررررررش
بعدين روحن الجمعيه واشترن
علبة فاظيه
عسل
وعلبة بودرة شوكليت نسكويك ولا اوفالتين الي تحبونه
وحليب مضاعف الدسم <<<<< ركزوا مضاعف
الطريقة سهله
هاتي العلبة الفاظيه اغسليها ونشفيها ……. تمام
وهاتي المكسرات واطحنيهن .. طبعا انا ما اوصي انج تطحنين كل الكميه لا
تعرفون انا شو شويت يبت ملة صغيره مالت شوربه واعيير فيها كمية متساويه من كل نوع من المكسرات والباقي من لفيته وحطيته في السده مالت المطبخ حق بعدين
اوكيه الحينه طحنا جزء من المكسرات نحطه في العلبه ونخلطهن مع بعض خلاص نسكرها ( بنستخدمها لأيام مافي داعي تحطينها في الثلاجه اجواء المطبخ مناسبة)
المطلوب منا الحنيه
مرتين او 3 مرات فاليوم
هاتي كوبج وملعقة اكل كبيره
حطي فالكوب ملعقة من المكسرات المطحونه … ملعقة بودرة شوكليت .. ملعقة عسل … وصبي عليهن الحليب .. اخلطيهن تمام ( ترى ما يذوب كل شي ) واشربيه بالعافيه
استمرن على المنوال يوميا وقسي وزنج مره فالاسبوع او كل اسبوعين عشان نشوف النتايج .. انا بمشي عليها شهرين ان شاء الله
يبت ورقه وكتبت الايام مدة شهرين .. وكل ما يمر يوم اشطب عشان اتشجع وما امل بسرعه
الحينه بس بوظحلكن فوائد مكونات الخلطه
المكسرات .. غنيه عن التعريف في فوائد واااايد للصحه وتعوض نقص البروتينات
العسل .. من افضل علاجات الطبيعيه ومفيد لصحه الجسم و نظارته
حليب مضاعف الدسم … يساعد في زيادة الوزن بشكل ملحووظ عن تجربه شخصيه
بودرة الشوكليت… عشان تحلي طعم الخلطه .. واذا ما تحبين الشكوليت جربي فراوله ولا موز المهم شي تحبينه
خلاص الحمد لله خلصت <<<<<<<<<< تراني تعب هاااااااا
المطلوب منكن شي صغنوني
دعاء في ظهر الغيب ..
اي استفسار انا حاظره من عنوني الهنتين ..
وان شاء الله الوزن يزيد واي بنت نحيفة تمتن .وجزاكي الله خيرا
وتقدرين تنضمين لنا في موضوعنا ريجيم لزيادة الوزن
تسلمن اختي .
المشاركة الأصلية كتبت بواسطة مريم* 
وان شاء الله الوزن يزيد واي بنت نحيفة تمتن .وجزاكي الله خيرا
يا مرحبا بج
يسعدني انج اول رد في موضوعي المتواضع
وان شاء الله تستفيدين من نظامج الغذائي ويزيد وزنج ونقضي على العصاقيل
حياج الله