اخباركم علومكم؟ عساكن مرتاحات ^ـ^
من امس و انا افكر تفكيييير عمييييييييق بشي،،، من واقع تجارب ربايعي و جيه
باختصار (لا تصدقوني الحين ببدا اشرح صراحه اشتقت للمدرسه و التدريس 
)
نتعرف على ربع … و تعيبنا صفاتهن ،،، و نبدا نتجرب من بعض و ندرس شخصيات بعض
بس لازم يكون فيه شي ما يعيبنا فيهن،،، صفه معينه،،، طبع معين،، اسلوب معين
اخواتنا او اخوانا من نفس البطن،، هب يايين ع مزاجنا،، يا ما تضاربنا على اتفه الاشياء خصوصن في فترات المراهقه ،،، هاي شلّت لحافي!! و هاي دخلت حجرتيه !! و اخوي قاااال و اخوووي علق! بس اخر شي انتم اخواااان و القلوب تتصافى
و البنت يوم يخطبها الريل،،، يقولوا لها،، بس تراه فيه العيب الفلاني! و لا هوه مااااا شا الله شيخ الرياييل،، و انتي بتغيريه ان شا الله ،،، تعرس البنت و تكتشف شخصيه و اسلوب يمكن مايا ع هواها،، لكن الحمد لله الريال ممكن يتغير،،،
مالنا بد ما نصادف شخصيه او اشياء ما تيي على هوانا…
السؤال ادري بدري خخخخ
كيف تحاولين تغيرين هالصفه لو ما تريدين تخسرين هالاشخاص؟
لو الاسلوب او الصفه او الطبع الي فهالناس تحسيها بتاثر على علاقتكم شو الموقف الي تتخذيه؟؟
ممكن الشي يكون تافه و بسيط،،،
مثلن ربيعتج تحط مثلن مثلن ميك اب ما يناسبها بس هيه مقتنعه
او مثلن تقول اسلوبها فالنصيحه ينرفز
ممكن اختج تعامل امج بطريقه ما فيها صبر… او مثلن اختج طيبه زياده عن اللزوم
ممكن اخوج قاسي و يا حرمته ،،، او مثلن مقتنع يدرس تخصص ماله مستقبل وظيفي و انتي عند خبره بهالشي
ريلج من النوع الحمااااسي الي ع طول يتصرف او ينطق،،، او ممكن انه يشتري لج هدايا ع كل صغيره و كبيره بس انتي تحسين ان مب ناقصنج شي ووجوده يكفيج << شب لطوف برا خليهم يتدلعون خخخخ
يعني هاي مجرد امثله،،،
لو شي موقف في حياتج صاير مع انسانه او انسان،،، كيف تغيريهم؟؟
انا عن نفسي مرات اسوي بنفس اسلوبهم
حتى قبل ما ازعل،،، القهر انهم يزعلون لو عاملتهم بنفس اسلوبهم @ـ@
ويوم اقول لهم ها اسلوبكم بس كنت بجوفكم شو بتكون ردة فعلكم يقولون حشا نحن هب جيه @ـ@
ههههه
المهم انا انسانه اخلي الي في خاطريه في خاطريه بعيد عن الزعل و جيه ^ـ^
و اذا حسيت الموضوع الي صاير بيضر هالانسانه احال اعطيها بدائل و هيه بتحس @ـ@
هيه صح ياني سؤال: شو الصفات الي ما عيبتج و كيف غيرتيها و كيف تقبلوا هالتغيير و كم خضتي لين غيرتي هالشي؟ ^ـــــــــــــــــــــ^
شاركوني رايكم ^ـ^
كل انسان وله شخصيته وكيانه الخاص به 
أحترم هذا الشي في غيري مثل ما أحب الناس تحترمه فيني
وأنا أشجعه على الخير وأنصحه ان غلط
لكن اني أحاول أغيرهم
ما بقدر إلا اذا هم يبغون يتغيرون
والله يوفقنا جميعا
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
المشاركة الأصلية كتبت بواسطة bellegirl 
كل انسان وله شخصيته وكيانه الخاص به
أحترم هذا الشي في غيري مثل ما أحب الناس تحترمه فيني
وأنا أشجعه على الخير وأنصحه ان غلط
لكن اني أحاول أغيرهم
ما بقدر إلا اذا هم يبغون يتغيرون
والله يوفقنا جميعا
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
هلا بيلا ^^"
ان ما قصدت انج تغييرين لمجرد التغيير و عشان يكونون على مزاجج،،،
و انا ضد اني احاول اغير الناس بس لغاية في نفسي
بس بشكل عام لو صار و ان هالصفه تنفر الناس من هالشخص و الشخصه بدون لا يحسون هم ع عمارهم ،،، بحكم علاقتج بهم تريدين لهم الخير
فشو بتسوين
و فعلن اذا هم ما يبون ما بترومين تنبيههم
المشاركة الأصلية كتبت بواسطة لطّــوف ان ما قصدت انج تغييرين لمجرد التغيير و عشان يكونون على مزاجج،،،
و انا ضد اني احاول اغير الناس بس لغاية في نفسي
بس بشكل عام لو صار و ان هالصفه تنفر الناس من هالشخص و الشخصه بدون لا يحسون هم ع عمارهم ،،، بحكم علاقتج بهم تريدين لهم الخير
فشو بتسوين
و فعلن اذا هم ما يبون ما بترومين تنبيههم
هلا بيج الغالية
والله أختي حتى لو هي صفـه تضره اجتماعيا
ما بقدر أغير انسان .. الله يوم خلقنا
عطانا قدرة على أنفسنا فقــط .. والغير اذا هم ما انفتحو للتغيير ما نقدر
بنتم ليل نهار وبالأخير بنتعب وبننفر نحن بعد من هذا الشخص ..
الأفضل نتقبله مثل ما هو
ونخليه يعيش حياته الإجتماعية بكيفـة
أهم شي أنا ما أتغير عسب استوي مثله
أنا أتقدم للأمام
وأدعي للجميع يتقدمون للأمام ^^
والله يوفقنـا أجمعين
بالأول والأخير الكمال لله
آإبَ آإب . ,
موضوعـجً غآإوي يآ ختيـَه . ,
مثلا الاسلوب او شي والحمدلله يفهمني