الكل يذكر الموضوع طبعا…أنا كنت متحمسة وااايد للقضية..لأني كنت أحسها ويانا..وأول جلسة بتكون تاريخ 28-5-2017 يوم الأربعاء…كنا جاهزين بس أمس أخوي قال لأختي جهزي الورقة …دورت عليها ما لقتها…اتخبلنا والله..عفسنا البيت فوق تحت ما لقيناها..يلست إتصييييح إختي وأخوي يسبها وما خلى كلمة إلا قالها…هو من الألم يقول هالكلام…
أخواتي الحين نحن عندنا عدة أوراق ممكن اتكون ويانا…وأدلة بعد..بس نخاف الورقة اللي ضاعت هو يزور كلام من عنده…طبعا محد فهمني ..بشرح لكم بالتفصيل….الأدلة هي..
1- يوم هي ملجة بعد إسبوعين حولت بيزاتها من بنك إسلامي لبنك ربوي…للأسف
2-ومن يوم حولت خذت السلفية…للأسف
3-يسحبون من راتبها شهريا 5000
4-ويوم تطلقوا كلما يسحبون من راتبها هو يحط لها 5000..يعني يحول من رصيده لرصيدها..وطبعا في البنك يبين عندهم إسم الشخص اللي أودع البيزات وين البيزات اللي إنسحبت..
5-يوم تطلقت إختي كتب اف ورقه له ولها …
ورقتين بخط إيده إن هو طلقها بناء على رغبت إختي هي أعادت له كل شي وما عليه اي إلتزامات…الحن الورقة اللي كانت عند إختي ضاعت…وهو عنده ورقة وتخاف إختي يزور في الورقة ويكتب شي يديد ..وما أدري شو ..هذولا ناس خسيسين حثالة…
لكن آآآآآخر ورقة كتبها واللي أقر فيها إن هو فلان بن فلان ..وعليه السلفية …والتاريخ ..وكل التفاصيل موجودة عندنا….
الحين إختي خايفة خايفة خايفة…طول الوقت تصيح وحزينة واااااااااااااااايد…بيزاتها كلها تروح للحقير هذا…
بس عهد علي…عهد علي…والله إذا زور أو سوا شي…عهد علي أفضحه..ما بخلي شارع ولا شبر…ولا مكان إلا أذعت عنه…بنات …بنات نصيحة من كل قلبي أقولكن…لا ترتبطون بأي شخص مشهور…هذولا كلهم والله كلهم تعساء وإذا دخلوا بحيات حد يخلونه تعيس…لا تغركم مظاهرهم…هم فقراء …تعرفون ليش؟؟؟بيزاتهم كلها تروح لحثالتهم….
أدري إنتوا إتقولون كيف نحن رضينا لأختي ترتبط ابواحد مثله…والله كنا امغمضين…ونحن الحمدالله ناس معروفين بالتزامنا…والأغاني وهالسوالف مالها مكان عندنا…بس هذا بلاء من الله …وبلاء عظيييم…
إخواتي أفيدوني…تعرفون أي حد قوي في المسائل القانونية…دلونا عليهم..أريد حل..أريد شخص من الشيوخ..يرد علي…شخص له كلمة يوقفه عند حده ويجبره يرد حقوقنا…أنا تعبت أشوف إختي كل يوم تغرق…وبيزاتها كلها تروح للحيوان…إختي تغيرت ..تغيرت ومب هي الإنسانة اللي أعرفها…وأنا ما أحس بقيمة الحياة دام إن إختي تعتبر نفسها ميته…بنات ساعدوني…والله أكتب لكم بدموعي اللي تنزف الدم…ساعدوني..طلعوا إختي من أزمتها…والله كرهت الريايل بسببه…..
بس بفضحه…بفضحه إذا سوا شي …
اتصلوا البث المباشر او خلي اخوج يسير شخصيا يرمس حد منهم جابر عبيد او بوراشد
الله يسهل اموركم يارب
الله يعينكم ويبعد عنا وعنكم
هالأشكال !
أمنوا بوراشد؟؟؟مالعيمان؟؟؟؟لا هذا مستحيييل
ليش حبيبتي مستحيل
بالعكس بيساعدكم لو قدر رمسوه شخصيا