محتارة ،، ماابي اطيح بالغلط ،، بس مابي اهدة ><

أخواتي مااعرف اذا هاي مشكلة أو لا بس أبي شوركم

برمسكم شوي عن نفسي ،، انا بعدني مراهقة في الثانوية يعني بعدني صغيرة أنا اكبر وحدة من أخواني ومن صغري وأهلي محمليني مسؤولية محد شراتي تحملها ،، من صغري وأنا البنت الكبيرة ومطلوب مني اكون مثالية وقدوة لإخواني ،،مااعرف كيف اشرح لكم بس أنا تعبت من إني أكون مثالية ويوم أغلط محد يرحمني بيني وبين اختي اللي عقبي 5 سنواات يعني واايد بعيدة عني وتفكيرها غير عن تفكيري ،، أبوي بعيد عني بعد الأرض عن السماء مايعرفني الا لما أغلط وايي يناوشني ويسبني وبقولي جملته المأثورة ( قليلة أدب )
أنا أحس ان مشكلتي هي معاملة أبوي لي اذا انحلت حياتي كلها بتعتدل ،،أمي يوم معاي ويوم علي ،،حالتنا المادية محدودة ،، شهر نرتاح وشهرين تضيق علينا ،، وأبوي مريض فيه أمراض الدنيا كلها ،، يعني حياتنا مو مستقرة كأننا قاعدين على بركان ،، مو قادرين نستقرر ولا نرتاح ،، طبعاً إخواني كلهم صغار وأنا لأني الكبيرة فمتحملة المسؤولية مع أبوي وأمي ،، أنا أكثر وحدة انظربت وأكثر وحدة انظلمت وأكثر وحدة انحرمت وللحيين محرومة ،، مع هذا أنا أكثر وحدة احترم أمي وأبوي رغم معاملة أبوي لي عمري مارفعت صوتي عليه عمري ماقلتله لا او مآبا عمري ماجا دلته ،، عكس إخواني وبالأخص أختي اللي عقبي تصارخ في ويهه وما تسوي اللي يقولها و24 ساعة ضرابة هي ويااه مامد ايدة عليهم شراتي إنا ولا انحرموا شراتي ولا عمرة ضلمهم وأنا للحيين يظلمني ،،والمشكلة انه ابوووووووي ابووي يعني مثل الشوكة بحلجي لاااقدر ارد علييه وابرد خاطري ولا اقدر اطنشة بس احطها بداخلي والقهر اللي فيني شرات البركان يحرقني من داخلي وأنا سااكته ،،

اللي ابا اوصله من ها كلة اني انا من صغري وحيدة العب مع بروحي واصيح بروحي واعاني بروحي ،، لما اغلط محد يرحمني يااانااااااس انا انسانه اغلط حالي حالكم بس من يفهم علي ،، لاني بروحي تعلمت اني اعتمد على نفسي بكل شي افرح بروحي واحزن بروحي ،، حطيت في بالي ان محد شراتي بيفهمني فاذا هميت اسمع لنفسي وانصح نفسي واداوي نفسي ،، محد يعرف انا شو احس ومن شو اشكي وشو اللي يصيحني وشو اللي يفرحني ،، جي حياتي ،، بنيت شخصيتي من ضعفي وصرت انسانه قوية محد يقدر علي ،، عمري مانزلت مستواي للشباب وماعمري ذليت نفسي عشان حاية من الدنياا ،، الكل يحسدني على قوة شخصيتي واني اذا خذيت قرار مااتراجع عنه واكون عند كلمتي ،، يعني صرت مثالية مثل مايبوون ،،من ناحية الدين يعني التزم بقوو بس مراات انتكس ويقص علي الشيطاان وتختل صلااتي بس ارد والتزم والاغاني مب إدماان يعني هاا يوود ادق في راسي بالسنه حسنه ،، والحمدلله متنقبة ومااعندي سوالف البناات ،،

وفيوم من الايام ضافني ولد عمي في المسن ،، وصرنا نرمس مع بعض وطبعاً انا طااااااف كعادتي ماانزل نفسي واعبره ،، المهم صرنا نرمس عن العايلة ،، وطبعاص هو شراتي يعاني من عمي لأن عمي اخس من ابوي بواايد ،، دوووم كان يشكيلي حالة ومعاناته ،، هو أكبر عني ب3 سنوات ،،حسيت انه هو شرااتي يعاني مثل معاناتي انحرم وانضلم وانضرب شراتي ،، وصرت انا بعد اشكيلة وارمسة عن حالي ودوم يوم ارمسة يقولي انتي يوم ترمسين احسج ترمسين عني انا واحسااسج نفس احسااسي ،، وانا بعد لاحظت يوم يتم يرمس عن نفسة ،، يعني نفس الطبع نفس الاسلوب في التعامل مع المشااكل واااااااااااااااااايد نتشابة ،، صرت كل مااتضايق ادش المسن واطلع كللل اللي بخاطري ومراات اصيح وانا ارمسة وبعدها ارتاااح ،، وهو نفس الشي يقولي كل ماتظايقت ييت ادورج في المسن ،، تمينا كمن شهر نرمس ،، وكل مرة اشووفه استحي منه وماارمسة ولاحتى احط عيني في عينه ،، بس في المسن ،، بالفترة الاخيرة حسييت انه واايد مهتم ،، ورمسته معاي غييير ،، وانا بعد صرت احس بشي غييير ،، ويوم اقول حق ربيعتي تقولي تحبيه ،، وانا ارفض واقوول مستحييل ،، بس صدق انا حبيته ،، وصارحته بهالشي ،، وصدمني يووم قالي انه يحبني من زماان وساكت خاايف اني ارفضة او اني ازعل وماارمسة مرة ثانية ،، ومن هاك اليوم انا ويااه نرمس عالفون وخبرت امي ،، وهو امه واخوه العود واخته اللي قدي يعرفون يعني نرمس بعلم الجميع وموافقتهم عدا ابوي وعمي ،، << المعقدين ،، وانا ادري ان ابوي بيذبحني جان درى ،، مانرمس تسلية ،، هو يقول انتي بنت عمي ومن حقي ،، وانا مابا شي بهالدنيا غيرج انتي وكلاامة يريحني ويخليني اكمل معااه واللي مطمني اكثر اني بنت عمه يعني عرضة مستحييل يلعب معاي او يغلط معاي ،، انا واااااااااايد احبه ومتعلقه فيه ،، محد شراته يفهمني ويحس فيني ،، طوول عمري انا وحيدة واللحين لقيت الانساان اللي يسمعني ويحس فيني ويبااني ،، مااقدر ولاا ابا اهدة مع ان الدرب جدامنا طويييل ولاازم نصبر ،،

قولولي خواتي انا اللي اسوية غلط ،، وشو راايكم ،،

انصحوني ،،

لازم اتحطين حد لعلاقتج .. قوليله إنج بتقطعينهااا .. في حال بيي يخطب و إلا لا .. إذا خطبج الحمدلله وو إذا لا .. ربج بيعوضج باللي أحسن عنه إن شاء الله .. ولا اتقولين مابا أهده لأن هذا مب كلامج .. فكري بعقلج مب قلبج..

كوني حازمــــــــــــــة و اتوكلي على الله و لا اتخلين الشيطــان يعطيج أسباب تخليج تحتارين و اتضيعين ..

الله يوفقج أختي