محتارة أقدم على البعثة و الا ألغي موضوع الدكتوراه

السلام عليكم خواتي والرحمة و البركة
موضوعي يحير باختصار إن شاء الله بكون الكورس الياي خريجة ومعدلي ولله الحمد يأهلني لبعثة الدكتوراه لأمريكا بس المشكلة محتارة لأني أم وعندي عيال الله يحفظهم و يبارك فيهم …و زوجي بيروح وياي و أقدر أخذهم وياي طبعا كمرافقين وكلنا نروح مع بعض بس أفكرفي غربة ثلاث سنين و بهدلة عيالي صح بنكون مستقرين هناك بس أحس الأجواء واييد بتتغير على عيالي مثل نظام مدارسهم وبيفتقدون لمة الأهل وجمعتهم وااايد أشياء … ما أدري وااايد محتارة و إذا كنسلت السالفة أحس فرصة عمري بضيع وخاصة أن كل الأمور الأكاديمية ميسرة لي ؟
طبعا أنا متوكلة على الله سبحانه وتعالى في كل شي وبعد أريد مشورتكم ومثل ما يقولون ما خاب من استشار .

اختي الغالية ما شاء الله الدولة فيها وايد جامعات فيها دكتوراه

شرات جامعة العين و الجامعة الكندية و الجامعة البريطانية و وايد جامعات ثانية

سوي سيرج بتلقين وايييييييد

كنصيحة مني دام عندج عيال بيتبهلدون و صدقيني تكونين ف بلادج و تدرسين و عيالج مرتاحين احسن

لو كنتي عزابية كنت بقولج سيري بس عندج عيال لا

مشكورة أختي ع النصيحة الغالية

لو مكانج طبعا بسير شهادة من برع ما تتقارن بشهاده من هنيه

موب اول وحده تغترب وعندها عيال ودام ريلج واقف وياج توكلي على الله

منها عيالج بعد يكسبون لغه

دام ريلج راضي توكلي على الله وحتى اعيالج هذي فرصة لهم ياخذون لغة ويتعلمونها على اصولها ودخليهم مدارس معاهد للمسلمين هناك ومنها يستفيدون ومنها انتي مطمنه عليهم وربي يوفقج يارب

مشكورات حبايبي على النصايح الثمينة
إن شاء الله … الله بيقدم اللي فيه الخير

أنا جربت الغربة وبصراحة بهدلة وثانيا مأشئ أمان وخصوصا عندج عيال

كملي دكتوراه هني أحسن لج ولعيالج والله الموفق