مدارس الغرير دار المعرفه

أعلنت هيئة المعرفه عن تقارير المدارس وكانت النتائج مفاجأه للجميع
خاصة المدارس الي سمعتها جدا قويه وحصلت على تقارير ضعيفه
الحين السؤال وين نسجل اعيالنا ؟

وشو احسن المدارس؟

اخر مدرسه سمعت عنها مدرسة دار المعرفه للغرير في دبي مردف
الي يعرف عنها او حتى الموقع الالكتروني او التليفون ياريت يخبرنا

مرحبا بالنسبه للمدرسه هي يديده يعني اول سنه لها ونظامهم دولي يعني مب منهج امريكي او بريطاني واعتقد ان من الصعب الحكم عليها لانها يديده وانا فكرت اودي عيالي بس صراحه خفت اجازف وقعده ادور مدرسه زينه

أنا بنتي فيهاااا والمدرسه ( دار المعرفه ) واايد زينه .. وحبيتهاااا أكثر من روياااال البريطانيه ..
ودراستهم قويه .. العربي و الدين يساااوي الانجليزي .. يعني ماشي ماده يدرسونهم أكثر ..
للاسف رويال دبي .. كانو تركيزهم بس ع الانجليزي .. ودار المعرف اللي حبيته فيهاااااا :

كل المواد متعادله + حفظ سور من القرآن الكريم كل إسبوع + نشاطات من عقب الدوام ..
ومواده ( عربي . تربيه إسلاميه . إنجليزي . ماث . ساينس . كمبيوتر. فيهاا إجتماعيات ) .. ومن غير السباحه و الرياضه و الرسم ..
والمدرسه فيهاااااااا عيال العرب ماشي خلط وبلط .. يعني إجانب و هنود .. ترى قال بن غرير ( للمحافظه ع الهويه الاماراتيه ) .. أممممممم .. شو بعد .. النشاطات من عقب الدوام ياا إتكون تعليميه .. يعني ساينس يودونهم المختبرات .. يدرسون عن الحشرات + جسم الانسان + الحيوانات …الخ وكله إنجليزي .. أو حصص كمبيوتر ..
ترفيهيه مثل : الطبخ + ديكور + رسم + كاراتيه + سباحه + …….الخ ( وايد إشياء عندهم )

اللي لاحظته: بنتي ولله الحمد الشكر وااااااااااااايد إتحسنت و إستوت للأحسن في كل شي .. واايدين بينتقلون السنه اليايه المدرسه .. اللي كانو في البحث العلمي + الاتحاد الخاصه + رافيلز + المدرسه الامريكيه …….. الخ .. كل ما أسير أشوف أولياء امور يسجلون عيااالهم .. وبن غرير صدقيني ما يسوي شي إلاااا وهو دارس المشروع ومخطط للاحسن ..

شوفي الرابط ..
https://www.ameinfo.com/ar-107756.html

اول محد يقدر يحكم على المدرسة من اول سنة على الاقل بعد3سنوات بيبين
ثانيا بن غرير وايد رفع السعر جنوني 30 الف خالص
وعن الانشطة وايد مدارس في دبي نفس النظام الترتيب + السفر مع مجموعات ومشرفين ..

مجرد وجهة نظر…
على العموم اتمنى للجميع اختيار موفق وين ما كان

مرحبا عيون دبي ون بنتيج في اي مرحله دراسيه

مرحباااااا أختي ..

بنتي في الصف الاول .. شهرين من اول السنه كانت في مدرسة رويال دبي وعقب نقلتهاااا دار المعرفه .. والحمد الله ع النقله .. لانهاا في مرحلة تاسيس ..

أولااا المدرسه مب ب 30 ألف ..
وانا بنتي فيهااا .. وانا ذكرت الانشطه اللي في المدرسه نفسهاا ( درا المعرفه ) وها موضوع الاخت اللي تسأل عن المدرسه .. وانا ذكرت اشيااء بسيطه عنهاااااا .. من غير المشاركات و المسابقات الدوليه وغيرهااا ,,,,,,,, الخ ..

واحلا شي فيهااااااا ( المحافظه ع الهويه الوطنيه ) ,, واللي تحب تسال اكثر عنهااا عندي رقمهم ..
بطرشه ع الخااااااااااااااص .. ويفضل إنكم تزورونهاااا وسلامتكم ..