بداية هالاسبوع تقريبا يى ولدي من المدرسة وقالي اليوم درسنا ثمان حصص ، استغربت قلتله كيف ؟ قالي ماأدري بس نحن درسنا ثمان حصص ، في اليوم الثاني دقيت ع المدرسة اسأل بس محد رد علي كالمعتاد، فاتصلت بإحدى المعلمات في المدرسة وسألتها قالت لي صج تم استبدال الخمس دقايق بحصة اضافية تستخدمها المعلمة مثل ماتبي يعني تقوية- حل تمارين- تكملة درس – شرح -أي شي ………
والله وايد تضايجت من الموضوع يعني ياهل في الصف الاول او الثاني وحتى الخامس كفاية عليهم سبع حصص والله الشنطة أكبر منهم مايرومون يسحبونها ونحن كنا متضايجين من تأخير الدوامات بعد اتيي هالمدرسة ويزيدون حصص ليش اعتقد ان الخمس دقايق من حق الطالب والمعلم والا الوزارة ماحطتها الطالب في هالسن محتاج يتنفس في الخمس دقايق محتاج يسير يشرب ماي محتاج يسير الحمام(أكرمكم الله ) …ووايد باجي عن نهاية الفصل يعني المعلمة تقدر اتخلص المنهج واتراجع وتعيد واتزيد وتقوي بدون هالحصة.أبي اعرف شو الهدف من هالحصة الاضافية والغريبة ان كل يوم أسال ولدي شو درست في هالحصة يقول مادرسنا شي !!!!!!!!!!!!
ارحمونا يامدرسة ……………………وارحموا عيالنا
حرام عليهم والله شوها ،،
يسد انهم مصعبين المناهج ،، هاييلا يهال مب اجهزه ،،
الله يعين و الله ما اعرف شو آخرة التشديد في الدراسة ومن غير المناهج الصعبة .. وييييين ايام اول حمد و ريم و هند و ابوراشد و ام راشد والله ايام حلوة ودراسة أحلى ..الله يكون ف عون الاجيال هذي و الاجيال القادمة ..
الله يعيين
الله يعينكم
يحليلهم الله يعينهم انشالله
الله يكون بعونهم والله