مساء الفرح لكل الاحباب
مساء الورد لكل الاصحاب ..
اليوم يالغاليين راح احط لكم تقريري البسيط عن مدينه ~ بون بالمانيا
هالمدينه اللي تشتهر بهدوئها وطبيعتها الرائعه ..
سفرتنا كانت نهايه شهر نوفمبر 2024 ولمده 10 ايام ..
والرحله كانت على الخطوط الجويه القطريه الناقل الرسمي لجميع رحلاتنا 
وطبعا انا مابتكلم بالتفاصيل ، فقط بحط مقتطفات بالصور عن هالمدينه الساحره …
نبدا بسم الله
هذي صور للاجواء اول ماوصلنا مدينه بون
طبعاً في هالوقت عندهم فصل الخريف بعدهم ما دخلوا الشتاء
بس الجو كان وايد بااارد ، وكانت الاجواء متقلبه يوم مطر يوم برد
وهاي الصور لطبيعه مدينه بون الساحره
واكثر شي حبيته هو تساقط اوراق الشجر في كل مكان،
هالشي كنت اشوفه بس بالصور لان اغلب سفراتنا بالصيف او الشتاء
بس ولامرة سافرنا بهالوقت فكان شي روعه سبحان الله ..
لقطات بريئه لبنوتات وهم يلعبون بهالاجواء البارده والممطره
انتظروني لي تكمله باذن الله
بآآآآك
الشي اللي مانستغنى عنه بكل سفراتنا
واللي مستحيل نسافر بدون مانأخذه ويانا
يا محلا الفنجال مع سيحة البال ~
الله يا كرك(ن) وسط كوب محطوط
بعض المسليات اللذيذه
وهني نشوف اسواق بون،
وبهالوقت كانو يستعدون للكرسمس
ونلاحظ كيف مزينيين الشوارع والمحلات استعدادا لاحتفالات راس السنه
في محل في بون اسمه HUSSEL
هالمحل مشهور ببيع التشوكلت والحلويات
وكل شي عنده لذيذ بصراحه
والشي اللي حبيته بالمحل انهم حاطين دوائر برتقاليه صغيره على الاصناف اللي ماتحتوي على كحول للعرب
هدايا اشتريناها للاهل
واخيـرا واحنا بمطار فرانكفورت
ف الطياره
الامطار تودعنا
يم يم يمي لذيذ
ووصلنا بالسلامه لاارض الوطن
الحمدالله رب العالمين
شكرا من القلب لكل من زار موضوعي ~
وانتظروني بتقاريري القادمه باذن الله
والسموحه منكم
جزاك الله خير على الموضوع الشيق
والاحلى التصوير
العقبى لنا نسير احنا بعد
ما شاء الله ونتريا جديدج الغالية