انا من الفجيره وأراجع بالوصل بس متروعه لما يجيني الوجع ما يستقبلوني …
فاللي مربيه عندهم تقول يدخلوج الطبيب من البدايه والا يردوج لين يصير فاتج جم سانتي…
فالللي مربيه عندهم تخبرني….
وباسألكم قالوا ممنوع اعطي البيبي مرضعه صناعي وان النيرسات ما يشلن البيبي عنج مووول حتى لو عمليه وتعبانه….؟؟؟!!!!!!
وشو معاملتهم بجناح الولاده..؟؟؟
هل يصبرون عليج وألا سيده عمليه…؟؟؟
بليييز طمنوني وكتبوا تجاربكم…
.gif "13 (30)")
.gif "55 (11)")
.gif "55 (8)")
السلام عليكم ورحمة الله وبركاته
فديتج أنا أول ولادة كنت ناوية أربي في مستشفى خاص
لكن سبحان الله
كان عندي نقص حاد في الحديد وقالوا لي يمكن أحتاج نقل دم وأفضل مستشفى بيكون الوصل
وهالشي نصيحة من كذا دكتورة ومن عيادات خاصة
الحمدلله
ربيت في الوصل
ولا أفكر أربي في غيره
حالياً حامل
وإن شاء الله بتكون الولادة في الوصل
اهتمام ورعاية
ويشلون البيبي عنج كل شوي عشان ينظفونه ويبدلوله
وإذا شافوا أنه حليبج مب وايد
يعطون البيبي صناعي
أنا جيه سووا ويايه
ولا تخافين فديتج
ما عندهم شي اسمه عملية على طول
أحيد في غرفة ما قبل الولادة
وحدة كانت اتعاني صاير لها يمكن يومين
وآخر شي يوم شافوا ماشي فايدة
قرروا يسوون لها عملية
في المقابل
أنا طولت في الغرفة اللي قبل الولادة
لكن النيرسات والدكاترة وااايد كانوا مهتمين
وعارفين أنها الولادة بتكون طبيعية
والحمدلله ولدت طبيعي
فديتج اتوكلي على رب العالمين
وعسى الله ايسهل علينا ولادتنا
بالفعل مثل ما قالت الأخت
يهتموووون وايد
عمليه قيصريه
كانت تشتكي انهم هب نفس قبل
الياهل عندها..في غرفه….ما يشولنه لو بس بغسولنه..
تقول اختي استغربت انهم سبحوه عندها في الغرفه..يعني يابوا حوض في الغرفه.تقول حرام غرفه بارده
معنها عمليه..تقولينا قالوليها انتي بروحج حطي دواء للجرح..
هي ما يرضون تعطين حليب صناعي..الا لو شافوا خلاص بيبي حليبج مايكفي..
بس هي قالت..صراحه غرف قبل ولاده…اهتمامهم وايد اوكي
يعني تقول علي حسب النيرسات ….انتي وحظج
وعن الرضاعة مايعطون صناعي (تشجيعا للرضاعة الطبيعية) وأصلا احس احسن لأن الياهل اصلا ما يحتاج وايد أول فترة يعني اللي فصدر الأم يكفيه (دوم الأمهات يحسون ان مافيهم ويعطون صناعي وهذا غلط لأن الكمية اللي فالصدر هي بالضبط اللي يحتاجها الياهل) وشوي شوي بيزيد الحليب حسب احتياج الياهل
<< جلبتها محاضرة عن الرضاعة ههههه
عن الوصل مع اني ماربيت عندهم بس خواتي ولاداتهم هناك ويمدحونهم ^^
ومن سرت على طول دخلوني ماسألوني انتي من وين ولا شي بس اللي ماعيبني وقت الولاده تمو يسألوني عن التفاصيل لانهم ماحصلو ملفي يعني كأنهم فتحو ملف يديد .. مع اني قبل الولاده بيومين كنت مراجعه عندهم