بنات بقولكم عن مشكلتي هيه صغيره بس بالنسبالي كبيره
اعترف اني وسواسيه لدرجه ما تتصورون
ما بقص عليكن امنتي اني بصراحه مثل اي بنت تحلم بالزواج و بصراحه هاي اعز امنيه عندي
بس حلمة حلم خلاني بصراحه اوسوس حلمة ان اختي الصغيره اتعرس قبلي وامي كانت فالحلم متضايجه مني و كانت اتصاصر اختي واتقولها مبروووووووك و عقب قتلها فالحلم امي كله منكم انتم دووووووووووووم يوم حد ايني ترفضونه و بصراحه فالواقع امي رفضو نا س اتقدمولي لانهم مب اوكي هوه ادري بتقولون لازم افرح لها بس يا بنات ما بها ا تعرس قبلي صح ابها الله يرزقها بالزوج الصالح لكن مب قبلي
الحمد الله انه كان حلم لكن سببلي وسواس فضيع
بصراحه ادري بتقولون مشكلتج بسيطه لكن انا والله واااااااااااااااااااايد اوسوس لدرجه اني اقولها انتي خاشه شي عني و ادري انج انخطبتي تحلفلي واتقولي ليش شاكه فيه
بنات ساعدوني بس ما با ردود جارحه انتم خواتي العزيزات و ما عندي غيركم ارجوكم ساعدوني
اختي خليج مؤمنه بالقضاء والقدر واللي الله كاتبنه بيصير ان شاء الله وهذا مجرد حلم من كثر ما إنتي تفكرين وتوسوسين بالسالفة….فلا تضايجين عمرج عشان شيء بعده ماصار ويمكن ما يصير…..وادعي يوميا بصلاتج ان الله يرزقج بالزوج الصالح وتمني الخير حق اختج بعد ومب شرط اذا هيه انخطبت قبلج انج ما بتنخطبين كل واحد ونصيبه بها الدنيا توكلي على الله ……
المشاركة الأصلية كتبت بواسطة أميرة البيت 
اختي خليج مؤمنه بالقضاء والقدر واللي الله كاتبنه بيصير ان شاء الله وهذا مجرد حلم من كثر ما إنتي تفكرين وتوسوسين بالسالفة….فلا تضايجين عمرج عشان شيء بعده ماصار ويمكن ما يصير…..وادعي يوميا بصلاتج ان الله يرزقج بالزوج الصالح وتمني الخير حق اختج بعد ومب شرط اذا هيه انخطبت قبلج انج ما بتنخطبين كل واحد ونصيبه بها الدنيا توكلي على الله ……
صح كلامج اختي انا وااايد افكر فيمكن من جي حلمت هالحلم و صح كلامج و معاج حق هذا نصيب ولازم نرضى به وان شاء الله انا و اختي الله يرزقنا بالزوج الصالح آمين ان شاء الله
مشكوره اختي عالمرور و جزاكي الله خيرا و ربي يوفقج ان شاء الله
المهم انتي خلي املج في الله كبير .. واتفائلي انه يرزقج وتتزوجين وتستانسين …
فديتج لا تتضيقين ووشغلي عمرج عن هالسالفه … فكري في اشيا ثانيه ..
الله يفرج همج ان شاء الله