السلام عليكم خواتي ورحمة الله وبركاته
اليوم رايحة الصبح مدرسة (*******) والا اشوف مجموعة طلاب خارج بوابة المدرسة والساعة 8 الصبح!!!!
ليش مايدخلون؟؟!! دخلت داخل الاستقبال والا اولاد كثرهم او اكثر بشوي بعد حاجزينهم مايدخلون صفوفهم وموظفة الاستقبال تدق تلفونات واليهال (الطلبة ) جدامها
ماعرفت شو الموضوع لكن مب هاذيل الطلبة المفروض يكونون داخل صفوفهم؟؟؟؟!!!!!!!!
وأنا طالعة.. بعدهم الاولاد واقفين برع وماشوف لا باص او مدرس،،، اقول في خاطري يمكن عندهم رحلة لكن ماحد معاهم
الا أسأل الأمن : ليش هاذيل الطلاب برع ليش ماتدخلونهم
يقولي لا.. دول متأخرين.. لازم ييجو أبل 7:45!!!!!!
قلتله تخلونهم جذي بروحهم؟؟؟
يقولي لا دوا الادارة اتصلوا بأهاليهم ييجو ياخدوهم
((( مب قهر )))
الأم والأب مرسلين عيالهم يتعلمون في المدرسة ويمكن اثنينهم موظفين وماحد في البيت… تقوم المدرسة تمنعهم من الدخول؟؟؟ وين يروحون هاذيل موقفين جدام الشارع؟؟؟ كان ممكن يحرمونهم الحصة الأولى مب يمنعونهم يدخلون المدرسة
هذا بداية ضياع الشباب.. نقصوا درجاتهم عاقبوهم واقفين حصة كاملة هذا بيأدبهم لكن تمنعوهنهم يدخلون؟؟؟ بتضيعونهم.. حسبي الله عليهم ونعم الوكيل.. كيف اثق اسجل ولدي عندهم؟؟؟؟ هل باقي المدارس تطبق الشي نفسه؟؟
اتمنى كل وحدة انقهرت مثلي تتفاعل مع الموضوع ونتكلم وخلي صوتنا يوصل
اليوم رايحة الصبح مدرسة (*******) والا اشوف مجموعة طلاب خارج بوابة المدرسة والساعة 8 الصبح!!!!
ليش مايدخلون؟؟!! دخلت داخل الاستقبال والا اولاد كثرهم او اكثر بشوي بعد حاجزينهم مايدخلون صفوفهم وموظفة الاستقبال تدق تلفونات واليهال (الطلبة ) جدامها
ماعرفت شو الموضوع لكن مب هاذيل الطلبة المفروض يكونون داخل صفوفهم؟؟؟؟!!!!!!!!
وأنا طالعة.. بعدهم الاولاد واقفين برع وماشوف لا باص او مدرس،،، اقول في خاطري يمكن عندهم رحلة لكن ماحد معاهم
الا أسأل الأمن : ليش هاذيل الطلاب برع ليش ماتدخلونهم
يقولي لا.. دول متأخرين.. لازم ييجو أبل 7:45!!!!!!
قلتله تخلونهم جذي بروحهم؟؟؟
يقولي لا دوا الادارة اتصلوا بأهاليهم ييجو ياخدوهم
((( مب قهر )))
الأم والأب مرسلين عيالهم يتعلمون في المدرسة ويمكن اثنينهم موظفين وماحد في البيت… تقوم المدرسة تمنعهم من الدخول؟؟؟ وين يروحون هاذيل موقفين جدام الشارع؟؟؟ كان ممكن يحرمونهم الحصة الأولى مب يمنعونهم يدخلون المدرسة
هذا بداية ضياع الشباب.. نقصوا درجاتهم عاقبوهم واقفين حصة كاملة هذا بيأدبهم لكن تمنعوهنهم يدخلون؟؟؟ بتضيعونهم.. حسبي الله عليهم ونعم الوكيل.. كيف اثق اسجل ولدي عندهم؟؟؟؟ هل باقي المدارس تطبق الشي نفسه؟؟
اتمنى كل وحدة انقهرت مثلي تتفاعل مع الموضوع ونتكلم وخلي صوتنا يوصل
للرفع
تاخروا انزين شو استوى .!!!
الواحد يعني يسرع بعياله علشان يوصلهم قبل الوقت بدقايق ممكن يسبب حادث له ولغيره بسبب هالامور ..يمكن صار فالطريق حادث ضباب او اي شي سبب تاخير هالطالب ..لازم يعطون تنبيه مب يوقفونه برع !!
صراحه المفروض الاهل يتعاملون ويا هالموضوع بجديه ويكلمون مش المدرسه اللي ماعرفت كيف تصرف وطلعت الشباب بهالطريق برع ساحة المدرسه مب بعد يلستهم داخل الادارة يتريون الاهالي انا لو ولدي صارله هالموقف مابسكت طبعا عن هالشي قهر فقهر بيكون على طول مجلس بوظبي للتعليم ياخذ اجراءاته
وين ادارة المدرسة ؟؟المدير ؟؟؟
زين مصورتنهم عفيه عليج
هيه وأنا رايحة قلبي معصور على حالهم ماقدرت اتغاضى خذت الموبايل وصورتهم من بعيد وأنا في السيارة عن يطلع ويه حد من اليهال
اللي اولادهم في المدرسة لاتسكتون حتى لو ماكان ولدكم واحد منهم.. ممكن يكون ظرف وولدكم يتأخر دقايق ويسير هذا حاله…
في رقم مجاني اذكر يخص بالمدارس الخاصة .. والمجلس عاد يتريا اولياء الامور يشتكون بس في حد يخاف عياله ينزل مستواهم .. بس هالشي مايخصه فالمستوى الدراسي
هالصورة يبالها الجريدة تنزل 
أطيب تحية للاخت الفاضلة
طبعا موقف خاطئ من إدارة المدرسة توجد قرارات عديدة ممكن إتخاذها في أمور الانضباط
اتواصلى مع إدارة المدرسة أو مجلس التعليم الخاص
وفقك الله