خواتي الغاليات شحالكن
ابغي منكن تفيدوني ابي مطعم بدبي سواء داخل فندق او اي مكان
يكون حلو وهادي وللمناسبات بين الزوجين
مو متفيجه اطلع واتسوق واشتري هديه واسوي رومانسيات خخخخخخخخ
بليز فيدوني بمطعم للعشا ويكون حلو وليتكم تعلموني جم اشل وياي من البيزات
جوووو خياااالي
و لاتطلبون طبق اليوم لانه غالي ب ٢٥٠٠ بس لذيذ ولو السعر مناسب لج اطلبيه
بس احسن شي اطلبو من المينيو
لان طبق اليوم
مكون من عصير وعقب مجموعه كرواسوون مع منوعات من اجبان و زبدات منكهه و عقب مجموعه سلطات عقب مقبلات عباره عن فرش تونا بصلصه احيد و عقب اسكريم حااااااامض عشان يشيل طعم كل هالاكل من ثمج عشان اييبون العشا
اظن بتكونين شبعانه هههه
عقب ما تتعشين يحطون كيكه صغيرونه او ماكرونز
بصراحه شي خيالي
لكن لازم حجز مسبق عسبت تدخلين الفندق
هو اكلاته بحريه
معقولة 2500 درهم بس اروح اقعد ع كرسي اكل واطلع ونص الاكل يزيد وينفر بعد هذا اسراف وتبذير
صح الواحد يرفه نفسه بس بعد بالمعقول مب جيه نفر البيزات بس عشان والله المكان حلو
لو غرفه في فندق وبتباتين وجيه بعد نقول اوكي
المهم انصحج تختارين مكان مارحتيه ويا ريلج
عندج مطعم سويتش في دبي مول ديكوراته حلوه واسعاره غالية شوي بس معقوولة وفالويكند زحمة يكون
واشهر وجبة عندهم camel burger
وايد مودرن والاضاءة عجيبة
مطاعم دبي مول اللي اتطل ع النافورة حلوة مثل زهر الليمون
فستيفال ستي مطعم آوت باك احلا ستيك كلته عندهم
المكان فالزاوية وهادي واسعارهم جدا معقولة
تايم سكوير سنتر في القوز في مطعم وكافيه ثلجي اسمه chill out
وااااايد روووووعه ورومانسي وروحيه في نص الاسبوع يكون شبه فاضي الديكور والاثاث كله جليد شوفي صوره في جوجل
الدخول بستين وفي مشروب حار مجاني وتطلبين المنيو من برع بس ماجربت اكلهم
مطعم الدوار في حياة ريجنسي اذا مارحتوه بتكون تجربة حلوة واطباقهم عالمية صح انه قديم لكن للحين زحمة عليهم ولازم حجز مسبق
في مطاعم حلوة في رويال ميراج بس ماذكر اساميهم الحين
موووفقة الغالية والله يهنيكم