يا غاليات كل عام و انتن بخيييير مقدما لقدوم الكابوس المنزلي على الامهات دون الاباء خخخخخخخخخخ
المهم حبيباتي اللي تعاني مثلي ويا المناهج الحديثه تقولي كيف تجاوزت معاناتها و كيف تقبلت هي و ابنها او بنتها المنهج و كيف درسته او درستها.
انا ولدي من النوع الملووووووووووووووول و يطلع عيني ليما يكتب واجبه و الله يضيق خلقي وياه واااايد بس احاو لاا ني امسك اعصابي بس المناهج وواجباتها وايد معقده و يبالها ساعات لكل مادة صح ولا انا غلطانه؟؟؟؟؟
ولدي طالع هالسنه صف ثالث و الله يعيني عليه عقب الاجازة و الكسل التام راح معاناة الحفظ و كتابة الواجب و فهمت يقولي بمنتهى اللواته هاه لا بعدني و احس انه فاهم بس يستعبط علي .
المشكلة الثانيه انه انا صار عندي تشبع من التدريس خخخخخخخ و الله صار مااااالي خلق افهم و ادرس و اراعي بس ادعوا لي يا خواتي ان الله ييسرها وياي و اقعد له وو ان الله يوسع صدري لتدريسه.
ويا المناهج الجديده صار التدريس لعيالنا معانااااه يليت الاقي حل عندكم او اي شي يخفف علي هالكابوس.
والمفروض اللي يدرس يكون باله طوووويل وصبووور يشرح ويعيد مرة واثنين وثلاثه وخصوصا اذا كان اللي بدرسينه ياهل ..
أنا (( وأعوذ بالله من كلمة أنا )) انصحج بالتدريس في فترة العصر يعني يوم بيرد طويل العمر من المدرسه ويتغدى ويرقد ع العصرية ابدي درسيه وحاولي يكون مرتاح نفسيا و يكون ماكل قبلها ولو شوي (( أسأليني عن اللي يدرس وهو يوعااان )) اهئ اهئ قلبتي علي المواجع والله …
وطبعا التدريس أول بأول صفحة بصفحة درس بدرس عسب يمشي الصغير ..
وأهم خطوة وحاولي انج ما تنسينها هي التحضير له قبل الدرس ..
هذا وبالله التوفيق .. >>>> حشى مقااااااله … هههههه
ولا في مدرسة حذال منطقتنا مطبقين فيها نظام الانجليز ..
يعني الإدارة أجنبية .. والكلام السائد في المدرسة انجليزي .. وأغلب الكتب انجليزي x انجليزي ..
وإذا نجح النظام بيطبقونه في كل المدارس ..
نحن بالعربي مب فالحين عاد الحين انجليزي ..
الله يسّر عليج الغالية ويسّر على كل الطلاب والطالبات .. يااااااااااااااااارب ..
اخيتي نسيت الماضي يزاج الله خير عالنصايح و الله يكون في عونكن انتن المعلمات و الله اني ادعي لكن و للمعلمين ان الله يعطيكم طولة البال و الصبر و يجعل جهودكم في ميزان حسناتكم.
دمتي بكل الخير
السولعيه المعاناة اللي نحن فيها ام المشاكل لانهم يحطو مقرر يديد و ما ندري عنه اي شي
في الدول المتقدمه اذا حطوا مقرر يديد سووا دورات حق المعلمين و حق الاهالي بعد علشان محد يضيع ويا عياله بس نحن يسوا لنا خذوه فغلوه
و نضيييييييييييييع نحن عاد
المصيبه اني يوم كنت اروح للمعلمه مال ولدي اقولها علميني و اشرحي لي اتقولي اذا تعرفي حد يشرح لج قولي لي عنه يعني حتى هي مو فاهمه وااااااااااااااااااااااااااء
وهاااي اكبر مصيبه
بس الله يسهل و يعين
و ياليت عندنا في بوظبي يسووا مثل منطقة راس الخيمه سواا دوره لمدة ثلاثة ايام للامهات علشان يعرفوا كيف يدرسوا عيالهن المنهج بالطريقه الاصح.
و الله عرضت على مدرسة ولدي مشروع مثله و لكن محد سوا شيييييييييي.
يالله الله يعيننا و يعين عيالنا على الياي و المستقبل.
و دمتي بكل الود غاليتي.