بنات انا باجيلي كم يوم وبخلص شهري وتعبانه نفسيا وجسديا وكل شي من نهايه الثامن وانا ايلي هذا الي يسمونه المنان طبعا تخيلو كل يومين ولا اثنين اعيش ويع الولاده ويوقف عقب 3 ساعات وساعات يطول من بدايه التاسع عندي ألام في الحوض ومن تحت يعني ما اقدر امشي وحتى وانا طايحه عالفراش احس بويع ورقاد ما اقدر ارقد من هالالم الي تحت صدق صدق يعني الم فضيع (في ولادتي الاولى ابدا ماحسيت بهالعراض) من غير الم الظهر والالام الثانيه … وفوق هذا كله عندي بيبي الله يحفظه حنان ومشالله عليه حركي بزياده وطول الوقت يباني اشله والعبه وانا مول مالي بارض ولا اقدر حتى ويغمضني لانه هو متعود اني ادلعه والعبه وهالايام مول ما اسويله سالفه و 24 ساعه صياح وانا اصيح وياه.. جربت كل شي من بدايه التاسع وانا اشرب جرفه واشرب حليب بالزعفران وامشي كل يوم مع اني اموت من الالم يوم امشي حتى زيت الخروع جربته 4 مرات اول مره شرت ملعقتين ماشي فايده ولا حتى اسهال ولا شي ثاني مره زودت الجرعه والمره الاخيره عاد شربت غرشه كامل ولا كأني مسويه شي ابدا… رحت عند الدكتوره اريد شي يخقق الالام قالت لي تعالي بشوف كم فاتح عندج (هالكلام من اسبوعين) جيكت وطلع فاتح سانتي وسوت لي توسعه من بعد التوسعه طبعا يوميا افرازات مثل مخاط فيها دم وساعات دم بدون الافرازات المهم يعني يوميا انا فرحت قلت اكيد توسع زياده وولادتي قريبه ومر الاسبوع الاول والثاني بس ماشي الحال على ماهو عليه افرازات ومنان وويع في النطقه الي تحت والظهر وبطني دوم يابس رحت لها اليوم جيكت وللحين بس فاتح سانتي واحد طبعا انا هني خلاص انهرت ومب قادره اتحمل اكثر ونفسيتي زفته جدا جدا جدا
ادري انه البيبي بينزل متى ما الله كتب والنعم بالله بس تعرفون الظروف خاصه انه ولدي الصغير وايد معذبني ويغمضني وريلي بعد الي مول مب مسوتله سالفه واحسه مبتعد عني هالفتره لاني صايره نكديه انا و ولدي و24 ساعه نصيح
الي اريده يا بنات انه تدعولي من خاطرك انه الله يسهل علي واولد اليوم قبل باجر يمكن وحده فيكم تكون دعوتها مستجابه لاني صدق وصلت لمرحله وايد وايد صعبه
والله يسهل على كل الحوامل ويرزق كل وحده ماحملت الحمل انشالله ولا يرويكم العذاب الي قاعده اعيشه 
يارب
وان شاء الله تربين بالسلامة
لاتحاتين ربج كريم ماينسى عباده
ويسهل ولاده كل حااامل ويرزق كل متاخره فالحمل
كل حااامل اييها هالشعور بالشهورر الاخيره
يالله يالغاليه صبري نفسج مدام ماباقلج شي من التاسع
انا خلاص خليت فبالي ان هالشهر مابيخلص الا وانا مربيه والله نفسيتي تحسنت وايد ولله الحمد
الله كريم وعليج بقيام الليل
مشكوره عالدعوه الحلوه والله يسمع منج يارب
كيكه حلوه
مشكوره الغاليه والنعم بالله
ام سعيد
الله يسمع منج وايسر عليج انشالله وتفرحين في النونو
وان شاء الله تربين اليوم قبل باجر
ان شاء الله